Pavlodarlyq júrgizýshi men jolaýshy án aıtyp, jelmen júrgeni úshin aıyppul aldy, dep habarlaıdy infohub.kz.
Polısıa qyzmetkerleri áleýmettik jeliden Geely avtokóliginiń jolaýshysy qozǵalys ústinde aldyńǵy esiktiń terezesinen shyǵyp, án aıtyp jatqan vıdeony anyqtady.
Pavlodar qalalyq polısıa basqarmasy patrúldik polısıa batalóny komandıriniń mindetin atqarýshy orynbasary Medhat Jylqybaevtyń aıtýynsha, tekserý barysynda júrgizýshi men jolaýshynyń jeke basy anyqtalǵan. Júrgizýshige jolaýshy tasymaldaý erejesin buzǵany úshin ákimshilik hattama toltyrylsa, jolaýshy da jol qozǵalysy erejesin buzǵany úshin jaýapkershilikke tartylǵan.
Polısıa mundaı áreket jolaýshynyń ómiri men densaýlyǵyna qaýip tóndiretinin jáne jol-kólik oqıǵasyna sebep bolýy múmkin ekenin atap ótti. Vedomstvo jol qozǵalysyna qatysýshylardy erejelerdi saqtaýǵa jáne ózderi men aınalasyndaǵylardy qaýip-qaterge ushyratpaýǵa shaqyrdy.