Pavlodarda áıeldiń basyna muz kesegi qulap, jaraqat aldy. Osy fakti boıynsha qylmystyq is qozǵaldy, dep habarlaıdy infohub.kz saıty.
Oqıǵa 8 shildede boldy. Jas ana balasymen arbashada Nazarbaev dańǵyly, 157-úıdiń terezeleriniń astynan ótip bara jatqanda, onyń basyna muz kesegi qulady. Telegram-arnasy kerek.pv-diń habarlaýynsha, áli eshkim jaýapkershilikke tartylmaǵan. Zardap shekken áıeldiń týystary áıeldiń basyn tesken adamdy ózderi izdeýge májbúr bolyp otyr.
Pavlodar oblysy polısıa departamentiniń habarlaýynsha, densaýlyqqa qasaqana jeńil zıan keltirý faktisi boıynsha qylmystyq is qozǵaldy. Tártip saqshylary beınebaqylaý kameralarynyń jazbalaryn alyp, zerttedi, kýágerlerden jaýap aldy jáne basqa da tergeý sharalaryn júrgizdi. Beınejazbada zattyń jábirlenýshige qulaǵan sáti kórinedi. Qazirgi ýaqytta oqıǵanyń barlyq mán-jaıy anyqtalyp, osy faktige qatysy bar adamdy tabý jáne ony jaýapkershilikke tartý sharalary qoldanylýda.
Qylmystyq is Pavlodar oblysy polısıa departamenti basshylyǵynyń erekshe baqylaýynda.