AQSh Soǵys mınıstrligi belgisiz anomaldy qubylystar týraly qujattardyń besinshi bóligin, onyń ishinde 16 beınejazbany jarıa etti, dep habarlaıdy infohub.kz saıty.
Pentagonnyń resmı saıtynda ushqysh nysandarǵa qatysty jańa materıaldar jınaǵy paıda boldy. Vedomstvo usynylǵan derekter ashylmaǵan isterge qatysty ekenin, ıaǵnı úkimet baıqalǵan qubylystardyń tabıǵaty týraly túpkilikti qorytyndy jasaı almaıtynyn naqtylady. Ártúrli qujattar men fotosýretterden basqa, 16 beıne jarıalandy, olardyń bir bóligi Taıaý Shyǵysta túsirilgen delingen. Jazbalardyń birinde turǵyn úılerdiń ústinen ushyp ótip bara jatqan shar kórinedi.
Áleýmettik jelilerde jańa faıldardyń ishinde 2002 jyly Aýǵanstan ústinde juldyzdardy jaýyp tastaǵan úlken úshburyshty nysan týraly ushqyshtyń esebi bar degen aqparat ta tarady.
Eske salaıyq, bógde órkenıetter týraly pikirtalas amerıkalyq BAQ-ta aqpan aıynda AQSH-tyń burynǵy prezıdenti Barak Obama podkastqa qatysqannan keıin paıda boldy. Júrgizýshiniń onyń jerden tys órkenıetterge senetini týraly suraǵyna Obama «olar bar, biraq ol olardy eshqashan kórmegen» dep jaýap berdi. Bul jaýap jurtshylyqtyń nazaryn aýdardy.
Osydan keıin AQSh prezıdenti Donald Tramp amerıkalyq arnaıy qyzmetter jerden tys órkenıetter týraly barlyq derekterdi jarıa etetinin málimdedi.