Petropavlda bes jasar bala ata-anasymen demalyp jatqan qonaqúıdiń ekinshi qabatynyń terezesinen qulap ketti. Oqıǵa ótken demalys kúnderi bolǵan. Otbasy Soltústik Qazaqstan oblysyna basqa óńirden kelgen, dep habarlaıdy infohub.kz.
Astana TV-diń málimetinshe, bala ata-anasymen birge qonaqúıde bolǵan. Qazirgi ýaqytta quqyq qorǵaý organdarynyń qyzmetkerleri oqıǵanyń mán-jaıyn anyqtap, qaıǵyly oqıǵa kezinde eresekterdiń qaıda bolǵanyn anyqtaýda.
Balany jedel járdem kóligimen oblystyq kópbeıindi balalar aýrýhanasyna jetkizgen. Dárigerler onyń jaǵdaıyn turaqty aýyr dep baǵalaýda. Balada mıdyń shaıqalýy, sondaı-aq oń jaq jambas, baltyr jáne taban aımaǵynda jaraqattar men gematomalar anyqtalǵan. Qazir ol tósek rejıminde jatyp, hattama boıynsha em alýda. Operasıa qajet bolǵan jaǵdaıda jasalady, dep habarlady Soltústik Qazaqstan oblysy densaýlyq saqtaý basqarmasynyń baspasóz hatshysy Gúlnar Qalıeva.
Aıta keteıik, jyl basynan beri óńirde balalardyń terezeden qulaýynyń on jaǵdaıy tirkelgen.