Petropavlda tanymal kóshe sýretshisi Stanıslav Alert bir aýladaǵy qoqys konteınerlerin boıaǵany úshin bes táýlikke ákimshilik qamaýǵa alyndy, dep habarlaıdy infohub.kz saıty.
KTK telearnasynyń saıty málimdegendeı, sýretshi qoqys jáshikterindegi jazýny beınerolık túsirý úshin salǵan. Daıyn kontentti Stanıslav Alert áleýmettik jelilerge jarıalaǵan, ony sol jerden quqyq qorǵaý organdarynyń qyzmetkerleri kórgen.
Usaq buzaqylyq úshin er adam bes táýlikke qamaldy. Alyp áripterdi dereý boıap tastaǵany da jaýapkershilikten qutqarmaǵany atap ótildi.
Bul oqıǵa óńirde keń rezonans týdyrdy: Stanıslav Alert úılerdiń qasbetterin bezendiretin talantty kóshe sýretshisi retinde tanymal, ol qalanyń kóptegen tanymal nysandaryn kórkemdeýshi.
Sotta er adam kinásin moıyndady. Sýretshi bul oqıǵanyń egjeı-tegjeıin bosatylǵannan keıin habarlaıtynyn ýáde etti.
«Qoqys jáshikterinde: KISS ME degen jazý jazylǵan bolatyn. Bul, shyn máninde, beınerolık úshin jasaldy. Men Berlın galereıasynyń rezıdentimin. Álemdik deńgeıdegi bilikti sýretshimin, qazirgi tańda meniń kartınalarym Berlınde jáne Fransıada, Parıjde ilýli tur», — dep túsindirdi Stanıslav.