Reseı Federasıasynyń Prezıdenti Vladımır Pýtın Reseı basqa elderge shabýyl jasaýǵa nıetti emes, alaıda agresıa bolǵan jaǵdaıda jaýap berýge májbúr bolatynyn málimdedi. Ol bul týraly «Valdaı» pikirtalas klýbynyń otyrysynda aıtty, dep habarlaıdy infohub.kz saıty.
Reseı kóshbasshysynyń aıtýynsha, eger Reseı Federasıasyna tikeleı shabýyl jasalsa — bul jaǵdaıda Kalınıngrad, múmkin basqa da aýmaqtar sóz bolyp otyr — onda Reseı Federasıasynyń qolyndaǵy barlyq qarý-jaraqty qoldaný máselesi kún tártibine dereý qoıylady.
«Biz eshkimdi qorqytpaımyz. Siz aıtqan málimdeme men SİM-niń keıbir elderge jibergen hattary — bul qorqytý emes, bizdi qorqytý áreketine jaýap», — dedi Pýtın.
Ol Syrtqy ister mınıstrliginiń málimdemesinde jáne jiberilgen hattarda bári durys jazylǵanyn atap ótti.
«Eger Reseı Federasıasyna tikeleı shabýyl jasalsa, bul jaǵdaıda Kalınıngrad, múmkin basqa da aýmaqtar sóz bolyp otyr, árıne, Reseı Federasıasynyń qolyndaǵy barlyq qarý-jaraqty qoldaný máselesi kún tártibine sózsiz jáne dereý qoıylady. Bul sózsiz», — dep qosty Reseı kóshbasshysy.
Pýtın Reseı eshkimge shabýyl jasaýǵa nıetti emes, biraq ózi agresıaǵa tap bolsa, jaýap berýge májbúr bolatynyn, Eýropalyq odaq azamattary muny túsinýi kerektigin málimdedi.
«Biz eshkimge qaýip tóndirmeımiz, 29-shy, 30-shy, 50-shi jyly da eshkimge shabýyl jasaýdy josparlap otyrǵan joqpyz. Biraq agresıaǵa tap bolsaq, jaýap berýge májbúrmiz. Eýropa elderiniń azamattary muny anyq túsinip, bizdiń ustanymymyzdy óz elderiniń qazirgi saıası basshylyǵynyń ustanymynan ajyrata bilýi kerek», — dedi Reseı prezıdenti.
Onyń pikirinshe, bul túsinik bar.
«Muny saılaý nátıjeleri men iri eýropalyq elderdegi kóńil-kúıden-aq kórip otyrmyz», — dedi Pýtın.
Reseı prezıdentiniń paıymdaýynsha, bul elderdiń basshylyǵy Reseı Eýropaǵa ıadrolyq qarýmen qaýip tóndiredi degen tezısti paıdalanady, sebebi olar «óz azamattarynyń nazaryn ózderiniń Reseıge qatysty agressıvti saıasat júrgizip jatqanynan, azamattaryn qaqtyǵystyń qaýipti shegine tartyp jatqanynan alshaqtatqysy keledi».