Reseı Prezıdenti Vladımır Pýtın Ombyda Qasym-Jomart Toqaevty qarsy alyp, eki el arasyndaǵy qatynastar sátti damyp, sóz júzinde emes, is júzinde strategıalyq sıpatqa ıe ekenin málimdedi. Buǵan ótken jyly 28 mlrd dollarǵa jýyqtaǵan taýar aınalymy, al bıylǵy jyldyń alǵashqy bes aıynda onyń taǵy 4%-dan astamǵa artýy dálel. Bul týraly infohub.kz saıty habarlaıdy.
Pýtın sondaı-aq Qazaqstanda reseılik kásiporyndar men bıznes qatysatyn jalpy kólemi 30 mlrd dollar bolatyn 70 joba iske asyrylyp jatqanyn atap ótti. Reseı – metalýrgıa ónerkásibi, mashına jasaý, energetıka, farmasevtıka jáne basqa da baǵyttar boıynsha Qazaqstan ekonomıkasyna eń iri ınvestor.
Reseı kóshbasshysy mádenı-gýmanıtarlyq yntymaqtastyqqa erekshe nazar aýdaryp, bilimniń mańyzdylyǵyn atap ótti. Myńdaǵan qazaqstandyqtar reseılik joǵary oqý oryndarynda bilim alýda, al Ombyda Qazaqstan memlekettik ýnıversıtetiniń fılıaly ashylǵan. Pýtın Qazaqstanǵa tegin oqıtyn reseılik stýdentterge 100 memlekettik stıpendıa bergeni úshin alǵys bildirdi.
Pýtın sondaı-aq elderdiń halyqaralyq arenadaǵy belsendi ózara is-qımylyn, onyń ishinde Reseıdiń UQSHU-daǵy jáne Qazaqstannyń EAEO-daǵy tóraǵalyǵy aıasyndaǵy yntymaqtastyqty atap ótti. Toqaevqa sóz arnaǵan Pýtın ortaq tarıhty eske saldy: Qazaqstannyń qazirgi prezıdentiniń ákesi 1945 jyldyń qysynda jaralanyp, Ombyda emdelgen. «Bul Bizdiń Uly Otan soǵysynyń jadyna jáne halyqtarymyzdyń nasızmdi jeńýge qosqan úlesine úlken mán beretinimizdi taǵy da aıǵaqtaıdy», – dedi Pýtın.
Áńgime barysynda memleket basshylary saýda-ekonomıkalyq baılanystardy nyǵaıtý, energetıka, kólik, logıstıka, ǵarysh jáne aýyl sharýashylyǵynda birlesken jobalardy iske asyrý perspektıvalaryn talqylap, sondaı-aq halyqaralyq jáne óńirlik kún tártibindegi ózekti máseleler boıynsha pikir almasty.