Astanada «Bolashaq oıyndary – 2026» halyqaralyq týrnıriniń saltanatty ashylý rásimi ótti. Reseı Prezıdenti Vladımır Pýtın qatysýshylarǵa quttyqtaý sóz sóılep, Qazaqstan Prezıdenti Qasym-Jomart Toqaevqa joǵary deńgeıdegi uıymdastyrý jáne dástúrli qazaqtyń qonaqjaılylyǵy úshin alǵys bildirdi, dep habarlaıdy infohub.kz saıty.
Pýtın «Bolashaq oıyndary» sport pen ınovasıany, fızıkalyq jáne ıntellektýaldyq kúresti biriktiretinin, al olardyń basty mısıasy – adamnyń úılesimdi damýyna jáne ashyq progreske járdemdesý ekenin atap ótti. «Ýaqyt óte kele oıyndar baǵdarlamasyndaǵy derbes pánder men sıfrlyq sporttyń jalpy sany artady dep senemin», – dedi ol.
Reseı kóshbasshysy alǵashqy oıyndardyń 2024 jyldyń aqpan-naýryz aılarynda Reseıde ótip, búkil álemdegi sportshylar men kórermenderdiń úlken qyzyǵýshylyǵyn týdyrǵanyn eske saldy. «Bul oıyndar basynan bastap saıasat pen kemsitýshilikten ada bolyp keledi jáne solaı bolyp qala beredi», – dep qosty Pýtın.
Reseı Prezıdenti Qasym-Jomart Toqaevtyń jarystardy uıymdastyrýǵa qosqan jeke úlesin erekshe atap ótti. «Dál onyń jeke qatysýy men belsendi ustanymynyń arqasynda úshinshi „Bolashaq oıyndary“ Astanada ótip jatyr… Biz qazaqstandyq dostarymyzdyń dástúrlerin, jomarttyǵy men qonaqjaılylyǵyn jaqsy bilemiz. Sondyqtan oıyndar eń joǵary deńgeıde ótedi, al sportshylar men kórermender komandalardyń ymyrasyz kúresinen kóptegen jaǵymdy emosıa alady dep senemin», – dep túıindedi prezıdent.
Óz kezeginde Qasym-Jomart Toqaev Vladımır Pýtınge jyly sózderi úshin alǵys bildirdi. «Bolashaq oıyndary bıyl Qazaqstanda alǵash ret ótip jatyr. Biz úshin bul óte úlken mártebe. Reseı Prezıdenti jaqynda Qazaqstanǵa jáne barlyq qatysýshylarǵa arnaıy quttyqtaý joldady. Vladımır Vladımırovıchke zor rızashylyǵymdy bildiremin», – dedi memleket basshysy.
Eske salaıyq, ashylý saltanatyna Ózbekstan Prezıdenti Shavkat Mırzıóev, Qyrǵyzstan Prezıdenti Sadyr Japarov jáne Tájikstan Prezıdenti Emomalı Rahmon da qatysýda.