Reseı Prezıdenti Vladımır Pýtın Qorǵanys mınıstrligimen kelisimshart jasaı alatyn sottalǵandar sanatynyń tizimin keńeıtetin zańǵa qol qoıdy. Bul týraly infohub.kz saıty habarlaıdy.
Jańa zań boıynsha qolma-qol aqsha kontrabandasy, bandaǵa nemese qylmystyq qoǵamdastyqqa qatysqany, sondaı-aq kúzetiletin nysanǵa zańsyz kirýi úshin sottalǵan azamattar áskerı qyzmetke kelisimshart boıynsha alynady. Sonymen qatar, otyn-energetıka kesheni nysandarynyń qaýipsizdik jáne terorızmge qarsy qorǵaý erejelerin buzǵany, strategıalyq taýarlardy, mádenı qundylyqtardy, Qyzyl kitapqa engizilgen janýarlar men ósimdikterdi jáne olardyń týyndylaryn iri kólemde kontrabanda jasaǵany úshin sottalǵandar da kelisimshart jasaı alady. Tizimge esirtki quraldarynyń kontrabandasy da engizilgen.
Qujat resmı quqyqtyq aqparat portalynda jarıalandy. Sonymen qatar, Pýtın áskerı kelisimsharttarǵa qatysty taǵy bir zańǵa qol qoıdy. Onda mobılızasıa nemese soǵys jaǵdaıy kezeńinde qyzmetke shaqyrylǵan, osy kezeńde kelisimshart jasasqan nemese atalǵan kezeńde áskerı qyzmet ótip jatqan adamdar qylmystyq jaýapkershilikten bosatylýy múmkin tulǵalardyń tizbesi aıqyndalǵan.
Buǵan deıin bul zań jobasyn Memlekettik Dýma qabyldaǵan bolatyn. Qujat birneshe kún buryn Reseı úkimeti tarapynan qaraýǵa engizilgen edi.