Qarym - qatynas trenıń - oıyndar.
Maqsaty: Toptaǵy balalarmen qarym - qatynas ornatý, balabaqshaǵa beıimdelýine emosıonaldy kómek berý, ózin - ózi damytý, zeıindi damytý, psıhoemosıonaldyq qysymdy tejeý, emosıonaldy naqty qımyldardy damytý.
Sabaqqa kerekti materıaldar: jaǵymdy áýen.

Trenıńtiń barysy:
Jylýlyq sheńberi: «Kún» oıyny.
Maqsaty: oqýshylardy ózin tanystyrýǵa, durys sálemdesýge, basqalardy tyńdaı bilýge úıretý.
Júrgizilý barysy: Meniń qolymda kún tur. Ol qazir aınala barlyǵymyzdyń qolymyzǵa ótedi. Kimde - kimniń qolyna, kún tússe, sol óz atyn atap, kórshisiniń atyn atap, shardy oǵan beredi.

Ormanǵa saıahat jattyǵýy.
Psıholog balalardy oıdan shyǵarǵan ormanǵa saıahatqa shyǵarady. Balalar psıhologtyń qımyldaryn oryndap artynan kele jatady: aıýdy oıatyp almaı aıaqtyń ushymen typ - tynysh, oıdym jerlermen, tóbeshiktermen, aınalasy tikenekke toly jińishke jolmen júrip keledi, astynda bulaǵy bar qıraǵan kópirden ótip, batpaqty jerlerden sekirip, eńkeıip sańyraýqulaq pen gúlder terip, joǵarydaǵy jańǵaqtardy jınaıdy.

Tas pen jolaýshy jattyǵýy.
Psıholog serýennen keıin demalý kerektigin aıtady. Balalardyń bireýleri tas, al keıbireýlerine jolaýshy bolý usynylady. Tas bolǵan balalar jerge tizesin qushaqtap, qatyp otyrady, al jolaýshylar tas bolyp otyrǵan balanyń arqasyna súıenedi. Sodan balalar oryndaryn aýystyrady.

Tórt qubylys trenıńi
Maqsaty: Toptaǵy balalardyń bir - birimen jaqyndaı túsýi jáne jeke tulǵa arasynda jaǵymdy
qarym – qatynasty ornatý, este saqtaý qabiletin damytý.
Ýaqyty: 10 - 15 mınýt
Júrgizilýi: Balalar sheńber jasap turady. Júrgizýshi “sý” degen degende balalar qoldaryn aldaryna sozady, “aýa” degende qoldaryn joǵary kóteredi, “ot” degende eki qolyn aınaldyrady, “jer” degende qoldaryn túsiredi. Kim shatyssa sol oıynnan shyǵa beredi.

Qulaq – muryn trenıńi
Maqsaty: Balada qabyldaý prosesiniń qalaı damyǵanyn anyqtaý. Júrgizilýi: Balalar sheńber jasap turady. Júrgizýshi “qulaq” dep qolymen murynyn, al “muryn” dep qulaǵyn ustaıdy. Al balalar shatastyryp almaı “qulaq” degende qulaǵyn, “muryn” degende murynyn ustaý kerek.

«Baldyrǵan» toby.
Pedagog - psıholog: Kaırbaeva A. K.
Qarym - qatynas trenıń - oıyndar júkteý