Mańǵystaý oblysy, Beıneý aýdany,
«Abaı atyndaǵy orta mektebi» MM tarıh páni muǵalimi K. Mýsaeva

Taqyryby: Qazaq handyǵynyń qurylýy
Maqsaty:
Qazaq handyǵynyń qurylýy, tarıhı mańyzy, etnıkalyq quramy, kórshi eldermen qarym - qatynasy týraly maǵlumat berý.
Oqýshylardy tarıhı oqıǵalardy oqyp - úırenýge, qorytyndy jasaý arqyly oılaý qabiletterin damytý, alǵan bilimderin odan ári tereńdetý.
Elimizdiń ótken tarıhyna qurmetpen qaraýǵa, elin, jerin súıýge, qorǵaýǵa baýlý.
Kórnekiligi: Slaıdtar, Qazaq handyǵynyń qurylýy týraly beınetaspa, úlestirmeler
Ádisi: Aýyzsha baıandaý, suraq - jaýap, toppen jumys
Túri: Aralas
Júrisi: 1. uıymdastyrý bólimi
Synyp «Kereı»,«Jánibek»,«Qazaq handyǵy» bolyp 3 topqa bólinedi.

2. Úı tapsyrmasyn úlestirmeler arqyly suraý.
3. Kereı men Jánibek sultandardyń halyqpen aqyldasýy atty kórinis (Muhammedrasýlah, Nursultan, Jalǵas)
4. Beınetaspa
5. Jańa sabaqty meńgertý

Jospar:
1. Qazaq handyǵynyń negizin salýshylar
2. Etnıkalyq quramy men aýmaǵy
3. Kórshiles eldermen baılanys

Qazaq handyǵynyń irgesin nyǵaıtyp, onyń kúsh - qýatyn arttyrý, ony derbes memleketke aınaldyrý bıleýshi toptardyń múddesine saı keldi. Qazaqstannyń ońtústik aımaqtaryndaǵy taıpalardyń basym kópshiligi xv ǵasyrdyń 40 - 50 jyldardyń ózińde - aq Kereı men Jánibektiń tóńiregine toptasqan edi.
Kereı men Jánibektiń Jetisýǵa kelýin tarıhshy M. H. Dýlatı 1465 - 1466 jyldar dep jazady. Sultandar Batys Jetisýdy qutty meken ete otyryp, 1465 - 1466 jyldary Qozybasyda Qazaq handyǵyn qurdy.
Handyqtyń alǵashqy alyp jatqan jeri Qozybasy men Shý aýmaǵy bolǵan.
XIV - XV ǵasyrlarda Qazaqstan jerin mekendeıtin qazaq taıpalary Ertisten Jaıyqqa, Altaıdan Kaspı men Aralǵa deıingi keń - baıtaq dalany qonystanǵan edi. Qazaq dalasynyń negizgi turǵyndary úısin, qypshaq, mańǵyt, kereı, t. b taıpalar boldy. Bul taıpalar ekonomıkalyq, áleýmettik - mádenı jaǵynan bir - birine tolyq saı kelgen etnıkalyq toptar edi.
Qazaq handyǵynyń alǵash qarym - qatynas jasaǵan eli Moǵol handyǵy boldy. Qyrǵyzdarmen de tatý - tátti qatynas jasady.

Sergitý sáti: «ıa» nemese «joq»
Qazaq jerin mekendegen rý - taıpalardyń etnıkalyq, saıası jaǵynan toptasýy kúsheıe tústi. Ia.
Qazaq handyǵynyń alǵash taǵyna otyrǵan Jánibek han. Joq.
«Tarıhı domıno» oıyny (sózderdi retimen qoıý).

Bekitý suraqtary:
1. Sultandardyń Jetisýǵa qaraı kóshýdegi maqsaty nede?
2. Handyqtyń etnıkalyq quramy qandaı rý - taıpalardan turdy?
3. Qazaq handyǵynyń alǵash qarym - qatynas jasaǵan eli?
6. Úıge tapsyrma: Taqyrypty oqý jáne táýelsiz Qazaqstan qazirgi kezde dúnıejúzi elderimen baılanysy atty shaǵyn shyǵarma jazý.
7. Baǵalaý.