2026 jyldyń basynan beri kólik polıseıleri shetel azamattaryna QR-kody bar 267 733 týrısik kartochka taratty, dep habarlaıdy infohub.kz saıty.
Polisia.kz málimetinshe, aqparattyq materıaldar Qazaqstanǵa kire beriste, onyń ishinde halyqaralyq áýejaılarda, temirjol vokzaldarynda jáne jolaýshylar poıyzdarynda taratylady.
Kartochkalar shekaradan ótken kezde beriledi. Kezekti aksıa Astana halyqaralyq áýejaıynda ótti. Máskeý, Antalá, Tashkent, Náchang jáne Bishkek reısteriniń kelgen jolaýshylaryna polıseıler 200-den astam kartochka taratty.
Astana áýejaıyndaǵy kólik polısıasy basqarmasynyń bastyǵy Asqar Jumabekovtiń aıtýynsha, sheteldikterdiń Qazaqstanǵa qyzyǵýshylyǵy artyp keledi. Elordalyq halyqaralyq áýejaıdyń táýliktik jolaýshylar aǵyny 12–13 myń adamdy quraıdy.
«Bizdiń maqsatymyz — el azamattary úshin de, sheteldik qonaqtar úshin de absolútti quqyqtyq tártipti qamtamasyz etý jáne barynsha qaýipsiz ári jaıly orta qurý», — dedi ol.
Kartochkadaǵy QR-kod Safetravel.kz portaly men mobıldi qosymshasyna aparady. Onda sheteldik qonaqtarǵa qajetti aqparat jınaqtalǵan: tótenshe jaǵdaı qyzmetteriniń baılanystary, kóshi-qon esebiniń erejeleri, taksı jáne mobıldi operatorlar týraly málimetter, sondaı-aq jeke qaýipsizdik boıynsha usynystar.
Aqparat qazaq, orys, aǵylshyn jáne qytaı tilderinde qoljetimdi.
Aksıa barysynda kólik polıseıleri sheteldikterge Qazaqstannyń kóshi-qon zańnamasynyń talaptaryn da túsindirdi.
Buǵan deıin «Kýrsıv» QR Týrızm jáne sport mınıstrligi gıdter men ekskýrsovodtarǵa qoıylatyn biryńǵaı talaptardy bekitkenin habarlaǵan bolatyn. Jańa erejelerge sáıkes, sheteldikter endi Qazaqstanda ekskýrsıa júrgize almaıdy. Endi gıd, ekskýrsovod nemese týrızm nusqaýshysy bolyp jumys isteý úshin Qazaqstan azamattyǵy bolýy jáne eLicense.kz arqyly quzyretti organdarǵa habarlama jiberý qajet.