Qazaqstandyq quqyq qorǵaý organdary alaıaqtyqtyń aldyn alýdyń jańa, erekshe formatyn usyndy: olar tanymal «Serdse pasana» ánin negizge alyp, mátinin tolyǵymen qarjylyq pıramıdalar týraly eskertýge qaıta jazdy. Bul týraly infohub.kz saıty habarlaıdy.
Qarjy monıtorıńi agenttigi daıyndaǵan beınerolıkte jas jigit vedomstvo qyzmetkerimen kezdesedi. Alaıaqtar týraly ádettegi dáristiń ornyna ol trektiń qaıta jazylǵan nusqasyn oryndaıdy.
«Ty je ne malchık, ne nado lezt v eto. Ty dýmal, samyı ýmnyı, ı tebá ne odýrachat?», — delingen án mátininde.
Sońynda forma kıgen keıipker basty keńes beredi: kúmándi sqemalarǵa aralaspaý jáne tez baıyp ketýge tyryspaý kerek.
Pikirlerge qaraǵanda, aýdıtorıa erekshe formatty oń qabyldady. Qoldanýshylar rolıkti kreatıvti dep ataıdy.
«Mılahı», «Ný, mastera na vse rýkı», «Kreatıv zashkalıvaet! Krýtye!», — dep jazady jazylýshylar.
Bul — qazaqstandyq quqyq qorǵaý organdarynyń qylmystyń aldyn alý úshin tanymal formattardy paıdalanýy alǵash ret emes. Buǵan deıin polıseıler Barbie Girl ánine rolık túsirip, «Avatar» stılindegi beınejazbalardy da shyǵarǵan bolatyn.
Buǵan deıin «Kýrsıv» Pavlodar oblysynda búkil Qazaqstandy sharlaǵan HAS qarjylyq pıramıdasynan zardap shekken taǵy 139 adam anyqtalǵanyn jazǵan. Qarjylyq pıramıda Qazaqstanda 2022–2023 jyldary áreket etken.