Qazaqstannyń Tabıǵı monopolıalar komıteti jylý energıasyn esepke alý quraly joq tutynýshylarǵa jylýmen jabdyqtaý qyzmetteriniń qunyn qaıta esepteýdi aıaqtaǵanyn habarlady. 2025–2026 jyldardaǵy jylý maýsymynyń qorytyndysy boıynsha qaıtarylatyn jalpy soma QQS-ty qosa eseptegende 1 217,02 mln teńgeni qurady, dep jazady infohub.kz saıty.
Vedomstvonyń baspasóz qyzmeti túsindirgendeı, qaıta esepteý syrtqy aýanyń naqty temperatýrasyn eskere otyryp júrgiziledi. Tıisti soma tutynýshynyń jeke shotynda avans (saldo) retinde jeke jolmen kórsetiledi.
Qaıta esepteý somalary óńirler boıynsha bylaısha bólindi: Astana — 460,67 mln teńge; Almaty — 57,77 mln teńge; Shymkent — 38,50 mln teńge; Abaı oblysy — 0,27 mln teńge; Almaty oblysy — 12,70 mln teńge; Aqmola oblysy — 13,98 mln teńge; Atyraý oblysy — 22,09 mln teńge; Aqtóbe oblysy — 11,03 mln teńge; Shyǵys Qazaqstan oblysy — 298,56 mln teńge; Jambyl oblysy — 26,06 mln teńge; Batys Qazaqstan oblysy — 1,82 mln teńge; Qostanaı oblysy — 25,69 mln teńge; Qyzylorda oblysy — 42,21 mln teńge; Mańǵystaý oblysy — 161,60 mln teńge; Pavlodar oblysy — 29,11 mln teńge; Soltústik Qazaqstan oblysy — 14,59 mln teńge; Túrkistan oblysy — 0,37 mln teńge.
Qaraǵandy oblysynda, sondaı-aq Ulytaý jáne Jetisý oblystarynda jeke qaıta esepteý qarastyrylmaǵan, óıtkeni onda jylýmen jabdyqtaý qyzmetteriniń quny syrtqy aýanyń naqty temperatýrasyn eskere otyryp eseptelgen.
«Astanada 2025-2026 jyldardaǵy jylý maýsymy úshin qaıta esepteý syrtqy aýanyń naqty temperatýrasyn eskere otyryp júrgizildi, al esepteýler maýsym boıy onyń ózgerýine qaraı aı saıyn túzetilip otyrdy», — dedi vedomstvoda.
Sonymen qatar, Komıtette 2024-2025 jyldardaǵy jylý maýsymynyń qorytyndysy boıynsha jylý energıasyn esepke alý quraly joq tutynýshylarǵa shamamen 1 554,7 mln teńge somasyna qaıta esepteý júrgizilgenin eske saldy.