Almatynyń Jetisý aýdanyna jańa ákim taǵaıyndaldy. Bul qyzmetke buryn Almaty qalasy ákimi apparaty basshysynyń orynbasary bolǵan Qýrasbek Sádibekov keldi. Bul týraly infohub.kz saıty habarlaıdy.
Almaty ákimdiginiń baspasóz qyzmeti málimdeýinshe, tıisti ókimge qala ákimi Darhan Satybaldy Prezıdent Ákimshiligimen jáne qalalyq máslıhatpen kelise otyryp qol qoıǵan.
Qýrasbek Sádibekov 1989 jyly 28 jeltoqsanda Astanada dúnıege kelgen. Ol ál-Farabı atyndaǵy Qazaq ulttyq ýnıversıtetin «saıasattaný» mamandyǵy boıynsha bitirgen. 2017 jyly Manchester ýnıversıtetinde (Ulybrıtanıa) «halyqaralyq damý: saıasat, basqarý jáne damý strategıasy» mamandyǵy boıynsha oqýyn aıaqtaǵan.
Eńbek jolyn 2011 jyly Shymkent qalasyndaǵy Abaı aýdany ákimi apparatynyń bas mamany qyzmetinen bastaǵan.
2013–2017 jyldary Qazaqstan Respýblıkasy Bilim jáne ǵylym mınıstrliginiń Jastar isi jónindegi komıtetinde túrli laýazymdar atqarǵan.
2014–2017 jyldary Qazaqstan Respýblıkasy Bilim jáne ǵylym mınıstrliginiń Strategıalyq josparlaý jáne damý departamentinde bas sarapshy bolyp jumys istegen.
2017–2019 jyldary Qazaqstan Respýblıkasy Parlamenti Senaty depýtatynyń kómekshisi bolǵan.
2019–2022 jyldary Tashkent qalasyndaǵy Qazaqstan Respýblıkasynyń Ózbekstan Respýblıkasyndaǵy Elshiliginde úshinshi hatshy retinde dıplomatıalyq qyzmet atqarǵan.
2022 jyldyń qazanynan 2025 jyldyń qańtaryna deıin Túrkistan oblysy ákimi apparaty basshysynyń orynbasary qyzmetinde boldy.
2025 jyldyń qańtarynan mamyryna deıin Qazaqstan Respýblıkasy Prezıdenti Ákimshiliginiń memlekettik baqylaý bóliminiń ınspektory laýazymyn atqarǵan.
2025 jyldyń mamyrynan Jetisý aýdanynyń ákimi bolyp taǵaıyndalǵanǵa deıin Almaty qalasy ákimi apparaty basshysynyń orynbasary qyzmetinde boldy.