Qytaı ınjenerleri bólmedegi masalardy lazermen joıatyn qurylǵyny jasap shyqty. Photon Matrix gadjetiniń alǵashqy partıasy tamyz aıynyń sońynda satyp alýshylarǵa jetkiziledi, dep habarlaıdy infohub.kz saıty.
Photon Matrix lıdarmen, mıllımetrlik radarmen jáne jasandy ıntellekti bar kameramen jabdyqtalǵan. Júıe ushatyn jándikterdi baqylap, olardyń koordınattaryn anyqtaıdy da, lazer sáýlesin baǵyttaıdy. Osylaısha, adamǵa tek mınıatúralyq áýe qorǵanys júıesiniń qansorǵyshtarmen kúresin baqylaý ǵana qalady.
Kompanıa óndiristi bastap, ınternet-dúkenin ashty. Satyp alýshylarǵa ınfraqyzyl jáne kók lazerli nusqalar usynylady.
Degenmen, qurylǵynyń naqty jaǵdaıdaǵy tıimdiligi ázirge táýelsiz synaqtarmen rastalǵan joq. Óndirýshi qaýipsizdik týraly málimetterdi keıinirek jarıalaýǵa ýáde beredi.
Áleýmettik jeli qoldanýshylary lazer qatelesip mysyqqa, ıtke nemese ıesiniń ózine baǵyttalýy múmkin dep alańdaýda. Ázirleýshiler júıeniń masalardy basqa nysandardan ajyrata alatynyn dáleldeýi kerek.
Buǵan deıin Atyraýda masalarmen kúresý úshin drondar tartylǵany habarlanǵan bolatyn.