Qytaılyq gýmanoıdti «Naızaǵaı» roboty 100 metrdi 9,32 sekýndta júgirip ótip, álemdi tańǵaldyrdy. Bul — Ýseın Bolttyń aty ańyzǵa aınalǵan rekordynan da jyldam. Tarıhı oqıǵa Beıjińde ótken Robottardyń álemdik oıyndarynda boldy, dep habarlaıdy infohub.kz.
The Guardiannyń jazýynsha, Honor kompanıasy jasaǵan robot eń joǵary jyldamdyqta sekýndyna 14,5 metrge deıin jetken. Jarys aldynda ınjenerler mashınanyń aıaq-qoldaryn 10 santımetrge uzartyp, nátıjeni jaqsartýǵa múmkindik alǵan.
Bir jyl buryn úzdik robot bul qashyqtyqty nebári 21,5 sekýndta baǵyndyrǵan edi. Endi tehnologıa alǵa jyljydy. Joǵary jyldamdyqqa baılanysty tejeý qıynǵa soǵady, sondyqtan márege jetken robottar zaqymdanbaý úshin jumsaq tósenishterge soǵylady.
Týrnırde ornynan bıiktikke sekirýden de rekord jańartyldy. Jeńil atletıkadan bólek, mashınalar fýtbol, boks jáne ústel tenısinen de jarysady.
Bıylǵy oıyndarǵa álemniń 16 elinen eki myńnan astam androıd, 666 komanda jáne qatysýshylar jınaldy.
Buǵan deıin Kursiv LifeStyle Qytaıda Photon Matrix qurylǵysynyń jappaı óndirisi bastalǵanyn habarlaǵan edi. Bul qurylǵy lazer kómegimen úıdi masalardan tazartýǵa ýáde beredi. Qurylǵynyń alǵashqy partıasyn tamyz aıynyń sońynda satyp alýshylarǵa jiberý josparlanýda.