Ilon Masktyń kompanıasynyń zymyrany 8700 km/saǵ jyldamdyqpen búgin Aı betine soǵyldy, dep habarlaıdy infohub.kz.
BBC agenttiginiń málimetinshe, SpaceX zymyranynyń synyǵy ǵaryshta 18 aıdan astam ushqannan keıin Aıǵa qulady. Álemdik BAQ pen ǵalymdar bul oqıǵany tikeleı efırde baqylady.
Ǵalymdardyń dereginshe, nysan shamamen 2,43 km/sek jyldamdyqpen qozǵalǵan, bul 8700 km/saǵ-qa teń.
Aıǵa qulaǵan Falcon 9 zymyranynyń boljamdy bóligi — jerge qonbaıtyn joǵarǵy satysy, onyń kólemi shamamen bes qabatty úıdeı. Bul soqqy SpaceX kompanıasy 2025 jyldyń qańtarynda eki amerıka-japon aı modýlin ushyrǵannan keıin gravıtasıa men kún sáýlesiniń áserinen bolǵan, dep jazady basylym.
NASA bul soqqy Jerge eshqandaı qaýip tóndirmeıtinin alǵa tartyp otyr, al astronomdar soqqydan paıda bolǵan synyqtardy zertteý úshin jarylys ornyn kórý múmkindigin kútýde.
Keıbir ǵalymdar jer turǵyndary ǵaryshtyq qoqystyń jınalýy men bul soqqylardyń bolashaq ǵaryshty ıgerýge áseri týraly alańdaýy kerek ekenin eskertedi.