Ulttyq ıadrolyq zertteý ýnıversıteti «MIFI» mamandary jumys aımaǵyndaǵy aýadaǵy qaýipti qosylystardyń konsentrasıasyn anyqtaı alatyn portatıvti beıdj jasap shyǵardy. Qurylǵy áleýetti zıandy zattarmen jumys isteıtin kásiporyn qyzmetkerlerine arnalǵan, dep habarlaıdy infohub.kz saıty.
Medalónǵa uqsaıtyn qurylǵyny aýysym boıy taǵyp júrý kózdeledi. Ol eki rejımde jumys isteıdi. Birinshi jaǵdaıda beıdj aýany úzdiksiz baqylap, qaýipti komponent anyqtalǵan kezde dıspecherge dereý sıgnal jiberedi. Ekinshi rejımde qurylǵy pasıvti jınaqtaǵysh retinde jumys isteıdi: ishine aýadaǵy qospalardy sińiretin absorbent ornalastyrylǵan. Jumys kúni aıaqtalǵan soń jınalǵan zattar arnaıy detektorlar arqyly alynyp, taldanady. Bul qyzmetkerdiń qandaı qosylystarmen jáne qandaı mólsherde jumys istegenin anyqtaýǵa múmkindik beredi.
Joba jetekshisi Iýlıa Shaltaevanyń aıtýynsha, qazirgi gazoanalızatorlardyń kópshiligi belsendi tıpke jatady, ıaǵnı olardyń dachıkteri aýany únemi taldaıdy. MIFI ázirlemesiniń bir nusqasy pasıvti kartrıj bolyp tabylady, ol ózdiginen taldaý júrgizbeıdi, tek zıandy zattardy jınaıdy. Jınaqtalǵan materıaldy zertteý aýysym aıaqtalǵannan keıin júzege asyrylady. Bul tásil qurylǵyny arzanyraq jáne qoljetimdi etedi.
Ǵalymdardyń josparynda — qurylǵylardan alynǵan derekterdi eńbek jaǵdaılaryn baqylaýdyń federaldy aqparattyq júıelerine ıntegrasıalaý. Synaqtar aıaqtalǵannan keıin ázirlemeni kásiporyndarda engizý josparlanýda.
Buǵan deıin Qazaqstanda 2026 jyldyń 28 shildesinen bastap joǵary qaýip tobyndaǵy adamdarǵa, onyń ishinde zıandy óndiris qyzmetkerlerine ókpe qaterli isigine tegin tekserý bastalǵany habarlanǵan bolatyn.