Qostanaı oblysy ákiminiń orynbasary qyzmetin atqarǵan Rınat Muhametqalı Qazaqstan Prezıdenti Ákimshiliginde jańa qyzmetke taǵaıyndaldy. Tıisti ókimge memleket basshysy Qasym-Jomart Toqaev qol qoıdy, dep habarlaıdy infohub.kz saıty.
Prezıdenttiń baspasóz qyzmetiniń málimetinshe, Muhametqalı Qazaqstan Respýblıkasy Prezıdenti Ákimshiliginiń jalpy bóliminiń meńgerýshisi bolyp taǵaıyndaldy. Ol buǵan deıin, 2025 jyldyń qańtarynan bastap, QR Mádenıet jáne aqparat mınıstrligi apparatynyń basshysy qyzmetin atqarǵan.
Rınat Muhametqalı 1981 jyly dúnıege kelgen. Dýlatı atyndaǵy Taraz memlekettik ýnıversıtetin «quqyqtaný» mamandyǵy boıynsha bitirgen. Eńbek jolyn 2002 jyly jeke jáne memlekettik uıymdarda bastaǵan. 2004-2009 jyldary Ádilet mınıstrliginiń zańnama departamentinde jetekshi jáne bas maman, basqarma basshysynyń orynbasary jáne basqarma basshysy qyzmetterin qosa atqarǵan.
2009-2010 jyldary Ádilet mınıstrliginiń zańǵa táýeldi aktiler departamenti dırektorynyń orynbasary bolǵan. 2010-2021 jyldary Prezıdent Ákimshiliginde ınspektor, sektor meńgerýshisi, memlekettik qyzmet jáne kadr saıasaty bólimi meńgerýshisiniń orynbasary qyzmetterin atqarǵan. 2021-2022 jyldary Memlekettik qyzmet isteri agenttiginiń apparatyn basqarǵan, al 2022-2023 jyldary Prezıdent Ákimshiligi basshysynyń hatshylyǵynyń meńgerýshisi bolǵan. 2023 jyldyń qańtarynan Mádenıet mınıstrligine aýysqanǵa deıin Qostanaı oblysy ákiminiń orynbasary qyzmetin atqarǵan.