Rınat Muhametqalı Qazaqstan Prezıdenti Ákimshiliginde jańa qyzmetke taǵaıyndaldy. Tıisti ókimge memleket basshysy Qasym-Jomart Toqaev qol qoıdy, dep habarlaıdy infohub.kz saıty.
Aqordanyń málimetinshe, Muhametqalı Rınat Zákıuly QR Prezıdenti Ákimshiliginiń Jalpy bóliminiń meńgerýshisi bolyp taǵaıyndaldy. Buǵan deıin ol QR Mádenıet jáne aqparat mınıstrligi apparatynyń basshysy qyzmetin atqarǵan.
Rınat Muhametqalı 1981 jyly dúnıege kelgen, M.H. Dýlatı atyndaǵy Taraz memlekettik ýnıversıtetin «quqyqtaný» mamandyǵy boıynsha bitirgen. Ártúrli uıymdarda qyzmetin bastap, 2004 jyly Ádilet mınıstrligine aýysyp, alty jyl ishinde jetekshi mamannan departament dırektorynyń orynbasaryna deıingi joldy ótken.
Onyń kásibı ómirbaıanynyń úlken bóligi Prezıdent Ákimshiligimen baılanysty: 2010-2021 jyldary memlekettik qyzmet jáne kadr saıasaty bóliminde jumys istegen, al 2022-2023 jyldary Prezıdent Ákimshiligi basshysynyń hatshylyǵyn basqarǵan. Aqordaǵa qazirgi qyzmetke oralǵanǵa deıin Muhametqalı Memlekettik qyzmet isteri agenttiginiń apparatyn da basqarǵan, al 2023 jyldyń qańtarynan bastap Qostanaı oblysy ákiminiń orynbasary qyzmetin atqarǵan.