Agility Robotics kompanıasy óndiristegi qaýipsizdik erejelerin meńgergen Digit 5 gýmanoıdty robotyn tanystyrdy: qurylǵy eńkeıip, adamdy kórgende jol berýdi úırendi, dep habarlaıdy infohub.kz saıty.
Ázirleýshiler jańa qurylǵyny qozǵalysty tanýdyń kúrdeli júıesimen jabdyqtaǵan. Robot janyndaǵy adamdy baıqaǵan boıda birden toqtaıdy, qozǵalys traektorıasyn ózgertedi nemese avtomatty túrde eńkeıip, qurmet kórsetkendeı qalypqa túsedi. Bul mehanızm zaýyttar men qoımalardaǵy qyzmetkerlerdiń densaýlyǵyna kezdeısoq keletin qaýip-qaterdi tolyq joıý úshin jasalǵan.
Kompanıa ókilderi jańa qurylǵyny jasaýda óndiristegi qaýipsizdik basty basymdyq bolǵanyn atap ótti. Basqa kompanıalardyń burynǵy býyn robottarynda adamdardy jaraqattaǵan oqıǵalar birneshe ret bolǵan. Osyndaı qaýipterdi boldyrmaý jáne OSHA standarttaryna saı bolý úshin ázirleýshiler jasandy ıntellekt algorıtmderi men dachıkter keshenin engizdi.
Kiriktirilgen qorǵanys júıelerinen bólek, robottyń tehnıkalyq sıpattamalary da jaqsy. Qurylǵynyń batareıasy 90 mınýt avtonomdy jumysqa jetedi, sonymen qatar robot 22 kılogramǵa deıingi júkti kóterip, 2 metrden bıik sórelerge qol jetkize alady. Óndirýshi robot ónerkásip nysandarynda tolyqqandy kómekshi bolady dep senedi.