Krıshtıaný Ronaldý men Djordjına Rodrıgestiń aldaǵy úılený toıy týraly baspasózde taraǵan aqparattan rýhtanǵan myńdaǵan jankúıer Portýgalıanyń Madeıra aralyndaǵy kafedraldy soborǵa jınaldy. Alaıda olar juldyzdy juptyń ornyna múldem basqa adamdardyń neke qıý rásimine kýá boldy, dep habarlaıdy infohub.kz.
Sports.ru-dyń habarlaýynsha, Ronaldý men Rodrıgestiń qudalyǵy jarıalanǵannan keıin BAQ toı 8 tamyzda Madeıradaǵy kafedraldy soborda ótetinin jazdy. Belgilengen kúni shirkeý aldyna úlken top jınaldy: jankúıerler men qyzyqqandar ataqty juptyń saltanatyn kórýge úmittendi.
Kelinshek otyrǵan kóne Rolls-Royce sobor kire berisine kelgende, jurt óz sátin kútkenine tolyq senimdi boldy. Qolynda telefondary bar adamdar kólikti qorshap aldy, keıbireýler tipti Ronaldýdyń tegi jazylǵan fýtbolkalar men onyń beınesi salynǵan maskalar kıip keldi. Alaıda kelinshek kólikten túskende, qonaqtardyń biri «Bul Djordjına emes» dep aıqaılap, bastalǵan ábigerlikti toqtatýǵa tyrysty.
Kóp uzamaı soborda Fabıo Ramos pen Fatıma Nıkol Kýná Teısheıra — Fransıada turatyn madeıralyq juptyń neke qıý rásimi ótip jatqany belgili boldy. Jastardyń dostary men týystary ishke kirý úshin tobyrdy jaryp ótýge májbúr boldy. Kafedraldy sobordyń dinı qyzmetkeri Markos Gonsalvesh bolyp jatqan oqıǵanyń Ronaldýǵa qatysy joq ekenin rastady. Baqytymyzǵa oraı, fýtbolshynyń jankúıerleri rásimniń ótýine kedergi keltirmedi.