Telegram messendjeriniń negizin qalaýshy Pavel Dýrov Reseıdiń Qarjy monıtorıńi qyzmetiniń (Rosfınmonıtorıng) terrorıster men ekstremıster tizimine engizildi, dep habarlaıdy infohub.kz saıty.
RIA Novostı dereginshe, Rosfınmonıtorıng Dýrovty tıisti tizilimge engizgen. Tizimde: «Dýrov Pavel Valerevıch, 10.10.1984 j.t., Lenıngrad qalasy» dep kórsetilgen.
Tizilimge engizilgen adamdar men uıymdarǵa BAQ-pen baılanysýǵa, jelide aqparat taratýǵa, jarıa is-sharalar uıymdastyrýǵa, saılaýǵa qatysýǵa jáne salyq, jalaqy men keltirilgen zıandy óteýden basqa qarjylyq qyzmetterdi paıdalanýǵa tyıym salynady.
Keshe Dýrovqa terorızmge járdemdesý baby boıynsha aıyp taǵyldy. Osydan keıin Telegram-nyń resmı akkaýntynda X áleýmettik jelisinde Dýrovtyń muraǵattyq sýreti jarıalandy, onda ol tamaq iship otyrǵan ústel basynda kameraǵa ortańǵy saýsaǵyn kórsetip tur. Sýrette qoltańba joq, biraq jarıalanym kóptegen pikirler jınady.
Eske sala keteıik, Reseıdiń FQQ (FSB) Telegram ákimshiligin Ýkraına arnaıy qyzmetteri Reseıde teraktiler men jappaı kisi óltirýlerge daıyndyq úshin belsendi paıdalanatyn arnalar, chattar men bottardy joımady dep aıyptady.