Álemniń ekinshi raketkasy Elena Rybakına Cincinnati Open-2026 dárejeli týrnıriniń tórtinshi aınalymyna shyqty. Ol polák tenısshisi Magdalena Frehti (álemdik reıtıńte 41-shi) 6:4, 7:6 (7:2) esebimen jeńdi. Jańbyrǵa baılanysty úzilistermen ótken mach úsh saǵattan astam ýaqytqa sozyldy, dep habarlaıdy infohub.kz.
Birinshi geımde polák tenısshisi basym tústi, alaıda qazaqstandyq tenısshi tórtinshi geımde keri breık jasap, esepti teńestirdi. Rybakına 5:4 esebimen alda turǵanda jańbyr jaýyp, tenısshiler korttan ketýge májbúr boldy. Oıyn qaıta jalǵasqanda Elena qarsylasynyń podachasyn alyp, setti óz paıdasyna sheshti. Buǵan deıin qazaqstandyq tenısshi Frehti úsh ret jeńgen bolatyn.
Ekinshi set odan da shıelenisti ótti. Esep 4:4 bolǵanǵa deıin qarsylastar óz podachalaryn senimdi ustady, sodan keıin breıkter almasty. Rybakına on birinshi geımde 0:40 esebinen qutylyp, set taı-breıkke deıin jetti. Taı-breıkte Elena qatarynan bes upaıdy ıelenip, machty óz paıdasyna aıaqtady.
Qorytyndy esep 6:4, 7:6 (7:2) oıyn ýaqyty 3 saǵat 2 mınýtty qurady, úzilisterdi qosqanda. Mach statısıkasy: eıster — 5:5, qos qatelikter — 4:1, utylǵan upaılar — 90:73.
Shırek fınalda Rybakına reseılik Dıana Shnaıder (14-shi) men polák Maııa Hvalınskaıa (23-shi) arasyndaǵy mach jeńimpazymen kezdesedi. Olardyń oıyny da Sınsınnatıdi jaýǵan jańbyrǵa baılanysty úzilgen bolatyn.
Aleksandr Shevchenko men Iýlıa Pýtınseva jarystan shyǵyp qalǵan soń, Sınsınnatıdegi qazaqstandyq tenısti Rybakına men Anna Danılına (6-shi) namysyn qorǵap jatyr. Danılına serb Aleksandra Krýnıchpen (5-shi) juptasyp, juptyq razrádtyń alǵashqy machynda amerıkalyq-dattyq dýet Enn Lı (141) men Klara Taýsondy (76) 6:4, 6:2 esebimen jeńdi.
Qazirgi WTA-1000 Cincinnati Open týrnıri qatarynan 80-shi ret ótip jatyr. AQSH-taǵy bul eń kóne týrnır eshqashan ótkizilý ornyn ózgertken emes. Jarys Sınsınnatı qalasynyń mańyndaǵy Meıson qalashyǵyndaǵy ashyq hard korttarynda ótedi. Áıelder arasyndaǵy Cincinnati Open-2026 júlde qory 7,43 mıllıon dollardy quraıdy.
Túrli jyldary bul týrnırde amerıkalyqtar Lındseı Devenport pen Serena Ýıláms, belgıalyq Kım Kleısters, reseılik Marıa Sharapova syndy juldyzdar jeńiske jetken.
Sınsınnatıdiń qazirgi chempıony Iga Sventek (5-shi) alǵashqy machta kolýmbıalyq Emılıano Arangony (95-shi) 6:3, 6:0 esebimen jeńse, keıin grek Marıa Sakkarıdi (32-shi) 4:6, 6:1, 6:1 esebimen tize búktirdi.
Rybakına WTA reıtıńinde qýyp jetýge tyrysyp júrgen belorýs Arına Sobolenko (1-shi) alǵashqy machta avstralıalyq Talıa Gıbsondy (65-shi) 6:2, 7:6 (7:2) esebimen jeńdi.