Qazaqstandyq tenısshi Elena Rybakına (2-shi nómir) qyzý úsh settik machta japonıalyq Naomı Osakany (13-shi nómir) 4:6, 7:6 (7:5), 6:4 esebimen tize búktirip, Kanada ashyq chempıonatynyń jartylaı fınalyna joldama aldy, dep habarlaıdy infohub.kz.
Aıta keterligi, buǵan deıin 28 jastaǵy Osaka men 27 jastaǵy Rybakına kortta bir-birimen kezdespegen edi. Torontodaǵy shırek fınal olardyń alǵashqy betpe-bet kezdesýi boldy.
Alǵashqy geımde-aq japonıalyq breık jasap, set sońyna deıin basymdyqty saqtap qaldy — 6:4. Ekinshi partıada Osaka qarsylasynyń podachasyn eki ret alyp, biraq Rybakına da dál solaı jaýap berdi, al taı-breıkte dálirek oınady — 7:5.
Sheshýshi sette Elenanyń podachasy tolyq kúshine enip, qarsylastyń rýhyn syndyrǵandaı boldy. Jetinshi geımde breık jasaǵan qazaqstandyq machty jeńispen aıaqtady. Qorytyndy esep — 4:6, 7:6 (7:5), 6:4. Kezdesý 2 saǵat 33 mınýtqa sozyldy. Rybakına 15 eıs jasady (Osakada 3), qosarlanǵan qatelikter sany 6-dan (qarsalasynda da sonsha), al utylǵan upaılar boıynsha japonıalyqtan basym tústi — 111:107.
Jartylaı fınalda Rybakına álemniń tórtinshi raketkasy amerıkalyq Korı Gaýffpen kezdesedi. Gaýff shveısarıalyq Belında Benchıchtiń (14-shi nómir) bas tartýyna baılanysty jartylaı fınalǵa kúressiz shyqty.
Kanada ashyq chempıonaty 1881 jyldan beri ótkizilip keledi, sol jyly alǵashqy erler týrnıri ótken. Áıelder jarysy 11 jyldan keıin bastaldy.
Jup jyldary áıelder týrnıri Torontoda, erler týrnıri Monrealda ótedi. 2011 jyldan bastap US Open Series quramyndaǵy hard korttaǵy jarystar bir ýaqytta ótkiziledi.
Torontodaǵy qazirgi WTA-1000 týrnıriniń resmı ataýy — National Bank Open Presented by Rogers. Júlde qory 7,4 mıllıon dollardy quraıdy.
Jyldar boıy týrnır jeńimpazdary arasynda amerıkalyqtar Krıs Evert, Martına Navratılova, Djennıfer Kaprıatı, Monıka Selesh, Serena Ýıláms, nemis Shteffı Graf, shveısarıalyq Martına Hıngıs, belgıalyqtar Jústın Enen men Kım Kleısters, fransıalyq Amelı Moresmo jáne basqa da juldyzdar bar.
Qazirgi chempıon Vıktorıa Mboko jaraqatyna baılanysty osy jylǵy úı týrnırin ótkizip jiberip otyr. 2025 jylǵy jartylaı fınalda kanadalyq Rybakınany 1:6, 7:5, 7:6 (7:4) esebimen jeńgen, al fınalda Osakany 2:6, 6:4, 6:1 esebimen tize búktirgen.