26–27 qyrkúıekte Almatynyń Ortalyq stadıonynda tanymal qazaqstandyq ánshi Sadraddinniń jeke konsertteri ótedi. Alǵashynda bir ǵana kesh josparlanǵan, alaıda bıletter lezde satylyp ketkendikten, uıymdastyrýshylar ekinshi kúndi jedel qosty, dep habarlaıdy infohub.kz saıty.
Konsertter 19:00-de bastalady. Jankúıerlerdi tiri daýys, súıikti hıtterdiń jańa aranjırovkalary jáne kóz tartar vızýaldyq speseffektiler kútip tur. Sadraddınmen birge sahnaǵa tanymal ártister Bakr, Andro, «Irına Kaıratovna» toby, Ayau, sondaı-aq Shvesıadan kelgen Maher Zain shyǵady.
Ekinshi kúngi konsertke bıletter áli de satylymda. Baǵasy 6 myń teńgeden bastalady. Gold jáne Silver fan-aımaqtaryna kirý 16 jasqa tolǵandarǵa ǵana ruqsat etilgeni atap ótildi.
Alyp shoýǵa daıyndyq ústinde Sadraddın Kaspıdegi oqý-jattyǵý jıyndary kezinde qaza tapqan áskerı qyzmetshilerge qatysty shynaıy yntymaq pen tereń qaıǵy bildirdi.
Ártis qaza tapqan sarbazdardyń týǵan-týystaryna shyn júrekten kóńil aıtyp, bul — árkimniń júreginde aýyr qalǵan orny tolmas qaza dep atap ótti. Osy qıyn sátte ánshi áskerı qyzmetshilerdiń otbasylaryna qoldan kelgenshe qarjylaı qoldaý kórsetýge nıetti ekenin jetkizdi.
Buǵan deıin Kursiv LifeStyle Abaı atyndaǵy Qazaq ulttyq opera jáne balet teatry «Mura» atty jańa open-air gala-konsertin ótkizetinin jazǵan bolatyn. Jyldaǵy ekinshi konsert 29 qyrkúıekte saǵat 19:00-de teatr aldyndaǵy alańda, Qabanbaı batyr kóshesi, 110 mekenjaıynda ótedi.