Samsung Electronics Central Eurasia (SECE) korporasıasy men Kazakhmys Barlau kompanıasy dalalyq óndiristik prosesterdi sıfrlandyrýǵa baǵyttalǵan yntymaqtastyq týraly kelisim jasady. Taraptar Kazakhmys Barlau kompanıasynyń geologıalyq barlaý jumystaryn avtomattandyrýdaǵy tájirıbesin Samsung korporatıvtik mobıldi tehnologıalarymen biriktirýdi josparlap otyr. Maqsat – óndiristik nysandardaǵy qyzmetkerlerdiń jumysyn jeńildetý, qolmen oryndalatyn operasıalardy azaıtý jáne derekter almasýdy jyldamdatý, dep habarlaıdy infohub.kz saıty.
12 tamyzda Almatyda ótken kezdesýde SECE prezıdenti Iondjın Pak pen Kazakhmys Barlau bas dırektory Ǵalym Nurjanov ózara is-qımyldyń negizgi baǵyttaryn jáne Samsung korporatıvtik mobıldi sheshimderin paıdalana otyryp, pılottyq jobany iske qosý perspektıvalaryn talqylady.
Jobanyń mańyzdy quramdas bóligi Kazakhmys Barlau ázirlegen ASPANS aqparattyq júıesi bolady. Ol óndiristik derekterdi jınaý men saqtaýdy, eseptilikti avtomattandyrýdy jáne analıtıkany biriktiredi. Júıe burǵylaý prosesterinde qoldanylyp, elektrondyq burǵylaý eseptiligin avtomatty túrde qalyptastyrýǵa múmkindik beredi, qolmen oryndalatyn jumys kólemin azaıtady.
Kelesi qadam – qyzmetkerlerge sıfrlyq quraldarǵa tikeleı «dalada» qol jetkizýdi qamtamasyz etý. Ol úshin ortalyqtandyrylǵan basqarýy (MDM) bar Samsung kompanıasynyń arnaıy korporatıvtik mobıldi qurylǵylaryn paıdalaný qarastyrylýda. Qyzmetkerler tapsyrmalar ala alady, elektrondyq nysandar men chek-paraqtardy toltyra alady, nátıjelerdi jumys ornynda tirkeı alady. Derekter ASPANS júıesine jiberilip, eseptilik, analıtıka jáne basqarý sheshimderin qabyldaý úshin paıdalanylady.
Mundaı tásil qaǵaz qujattardyń bir bóliginen jáne aqparatty qaıta engizýden birtindep bas tartýǵa múmkindik beredi, al kompanıa qajetti óndiristik derekterdi tezirek ala alady. Samsung mobıldi tehnologıalary men ASPANS múmkindikterin biriktirý qyzmetkerlerdiń nysandardaǵy jumysyn korporatıvtik sıfrlyq júıelermen baılanystyrýdy qamtamasyz etedi. Bolashaqta jınalǵan derekter tereńdetilgen analıtıka jáne jasandy ıntellekt tehnologıalaryn qoldaný úshin paıdalanylýy múmkin.
Kompanıa basshylary yntymaqtastyq týraly Memorandýmǵa qol qoıyp, jobanyń aldyn ala jol kartasyn kelisti. Kazakhmys Barlau ókilderi sondaı-aq Samsung demonstrasıalyq zalyna baryp, ártúrli bıznes-mindetterge arnalǵan korporatıvtik sheshimdermen tanysty.
Sonymen qatar, Samsung Kazakhmys Barlau qyzmetkerlerine Samsung korporatıvtik onlaın-platformasyna qol jetkizýdi qamtamasyz etý múmkindigin pysyqtaıdy, onda olar tekserýden ótkennen keıin kompanıa ónimderin arnaıy sharttarmen satyp ala alady.