Derbes kompúter qurastyrý odan da qymbattaýy múmkin: Asus, Gigabyte jáne MSI sıaqty jetekshi analyq plata óndirýshileri bıylǵy úshinshi toqsanda baǵany taǵy da kóterýdi josparlap otyr, dep habarlaıdy infohub.kz.
Azıalyq salalyq derekkózderdiń málimetinshe, qymbattaýdyń basty sebebi — óndiris shyǵynynyń kúrt ósýi. Shıkizat qymbattaýyna baılanysty baspa platalarynyń (PCB) baǵasy 50 paıyzǵa deıin ósýi múmkin. Sonymen qatar, mys radıatorlar, bettik montajdaý kondensatorlary, qýat komponentteri jáne basqarý mıkrosqemalarynyń baǵasy aıtarlyqtaı ósti.
DIY-PK segmentindegi jalpy satylymnyń tómendeýi jaǵdaıdy odan ári qıyndatyp otyr. Jasandy ıntellekt serverlerine arnalǵan jadqa suranystyń joǵary bolýyna baılanysty jedel jad modýlderi men jınaqtaýyshtar qymbattap, kóptegen paıdalanýshylar júıelerin jańartýdy keıinge qaldyrýǵa májbúr boldy. Suranys tómendep turǵan jaǵdaıda bıznestiń tabystylyǵyn saqtaý jáne dıstrıbútorlardy qoldaý úshin óndirýshiler ósken shyǵyndardy satyp alýshylardyń moınyna artýǵa májbúr.