Ispandyq maman Serdjı Áltısent «Semeı» fýtzal klýbynyń bas bapkeri bolyp bekitildi, dep habarlaıdy infohub.kz.
33 jastaǵy bapker komandaǵa 2025 jyldyń qyrkúıeginde qosylyp, naýryz aıynda bas bapkerlik qyzmetten ketken Aslan Smakovtyń shtabynda jumys istegen. Smakov ketkennen keıin Áltısent bas bapker mindetin atqarýshy bolyp, endi resmı túrde osy laýazymǵa bekitildi. Ispandyqpen kelisimshart 2026/27 maýsymynyń sońyna deıin jasaldy.
«Serdjıge jańa qyzmetinde tabys, alǵa qoıǵan maqsattarǵa jetý jáne „Semeı“ fýtzal klýbymen birge jańa jeńisterge jetýdi tileımiz!» — delingen klýbtyń málimdemesinde.
Áltısenttiń jetekshiligimen semeılikter ótken maýsymda Qazaqstan chempıonatynyń fınalyna jetip, onda almatylyq «Qaırattan» utyldy. Buǵan deıin maman úsh jyl boıy ıspandyq «Barselonanyń» rezervtik komandasyn basqaryp, jas oıynshylardy daıyndaýmen aınalysqan.
Sondaı-aq klýb 28 shildeden bastap resmı saıtta jańa maýsymǵa abonementter satylymy bastalǵanyn habarlady. Abonementter pleı-offty qospaǵanda, ulttyq birinshiliktiń barlyq úı machtaryna qoldanylady. Chempıondar lıgasynyń oıyndary abonementtik baǵdarlamaǵa kirmeıdi. Úsh sanat qoljetimdi: Fan — 16 000 teńge, Comfort — 40 000 teńge, Elite — 60 000 teńge.