Semeıde sot burynǵy áıelin aǵash bıtamen óltirgen er adamǵa úkim shyǵardy. Aıyptalýshy kisi óltirýde kináli dep tanylyp, 12 jylǵa bas bostandyǵynan aıyryldy, dep habarlaıdy infohub.kz saıty.
Qaıǵyly oqıǵa sáýir aıynda boldy. Mas kúıindegi er adam qyzǵanyshtan burynǵy áıeline balalarymen turatyn úıiniń aýlasynda shabýyl jasady. Ol áıelge bıtamen 27 ret soqqy jasap, ol sol jerde qaıtys boldy.
Sotta qaıtys bolǵan áıeldiń týystary er adamnyń jyldar boıy ony qorlap, ajyrasqannan keıin de qyzǵanyp, janjal shyǵaryp kelgenin aıtty. Anasyz eki kámeletke tolmaǵan bala qaldy.
Sot prosesinde 51 jastaǵy aıyptalýshy kinásin tolyq moıyndap, istegenine ókinetinin bildirdi. Bastan bostandyǵynan aıyrýdan basqa, sot ony qaıtys bolǵan áıeldiń aǵasyna moraldyq zıandy óteý retinde 10 mıllıon teńge tóleýge mindettedi.
Qaıtys bolǵan áıeldiń týysy Janna Nurǵazınova úkimge qanaǵattanǵanyn bildirdi: «Men sottyń bul sheshimine tolyq qosylamyn, óıtkeni biz dál osyndaı jazany kútken edik. Balalarǵa kelsek, sotta bizge qajetti qujattardy tezirek jınaý kerektigin aıtty. Endi qorǵanshylyq jáne qamqorshylyq organdarymen jumys isteımiz».