InfoHub Logo

Almatyda 7 aqpanda ótken uzatý toıynda bolǵan oqıǵa jurtshylyqtyń nazaryn aýdardy. Eki beıtanys adam toıǵa kirip, ózderin erkin sezinip, tamaqtanyp, bı bılep, tipti sýretke de túsken. Bul jaǵdaı Threads platformasynda qyzý talqylanyp, eki mıllıonnan astam qaralym jınady.

Bul týraly Infohub.kz aqparat agenttigi habarlaıdy.

Toı ıesiniń shaǵymy

Almatydaǵy meıramhanalardyń birinde ótken toıda bir adamǵa arnalǵan orynnyń quny 55 myń teńge bolǵan. Toı ıesiniń aıtýynsha, qonaqtardyń orny aldyn ala belgilenip qoıylǵanyna qaramastan, mereke kezinde keıbir oryndardyń jetispeı jatqany baıqalǵan. Keıin belgili bolǵandaı, bul oryndardy eki beıtanys adam ıelenip alǵan.

"07.02 kúni uzatý toıymyz boldy. Eki adam kelip, shaqyrylmasa da bos oryndarǵa otyryp aldy, tamaq ishti, bı bıledi. Al biz oryn nege jetpeı jatyr dep ań-tań boldyq. Meıramhana arzan emes – bir adamǵa 55 myń teńge", – dep jazdy toı ıesi.

Beıtanys qonaqtardyń túsiniktemesi

Keıinirek, toıǵa kirip ketken qonaqtardyń biri jazba avtorymen baılanysqa shyǵyp, munyń sebebin túsindirýge tyrysqan. Ol sheteldik tanysyna qazaqtyń toı dástúrin kórsetkisi kelgenin, bul áreketin qazaqtardyń qonaqjaılylyǵymen baılanystyrǵanyn aıtqan.

Jelidegi pikirtalas

Bul oqıǵa áleýmettik jeli qoldanýshylary arasynda qyzý pikirtalas týdyrdy. Keıbiri jaǵdaıdy ázilge aınaldyrsa, endi biri mundaı áreketti ádepsizdik dep baǵalady. Jelide "Adamdarǵa bóten toıǵa barýǵa erinbeıdi eken. Óz toıyma barýǵa erinemin", – degen sıaqty pikirler kóptep aıtyldy. Sondaı-aq, "Nege olar sýretke tústi?" degen suraqtar da qoıyldy.

Bul jazba Threads jelisinde qysqa ýaqyt ishinde keńinen taralyp, eki mıllıonnan astam qaralym jınady.