Shyǵys Qazaqstan oblysynda shahterler men qaýipti metalýrgıa óndiristeriniń jumysshylaryn qutqarýǵa arnalǵan avarıalyq kapsýla ázirlenýde, dep habarlaıdy infohub.kz saıty.
Mundaı tehnologıalar birqatar elderde, sonyń ishinde Reseı men Avstralıada qoldanylyp júr. Qazaqstandyq ınjenerler otandyq kapsýla bir ýaqytta 20-dan astam adamdy syıdyra alady dep esepteıdi.
Qurylymdy bolattan jasap, avtonomdy tirshilikti qamtamasyz etý júıelerimen jabdyqtaý josparlanýda. Qulaý nemese basqa apat kezinde kapsýla adamdardy synyqtardan qorǵaýy tıis. İshinde ottegi qory, dári-dármekter jáne shamamen 36 saǵat avtonomdy jumysqa eseptelgen jabdyq qarastyrylady.
Ázirge mamandar tájirıbelik úlgilerdi jasap jatyr. Bolashaqta tehnologıany ónerkásiptik kásiporyndarǵa engizýge daıyn, alaıda jobanyń júzege asýy taý-ken kompanıalarynyń qyzyǵýshylyǵyna baılanysty bolady.
Jobanyń ázirleýshileriniń biri Bolat Syptaev iri kásiporyndarda mundaı bir kapsýlanyń jetkiliksiz bolatynyn aıtady.
«Bir aýysymda 600-den astam adam túsedi, ıaǵnı bir kapsýla múldem jetpeıdi. Meniń túsinigimde, avarıalyq qutqarý kapsýlasy — bul ǵımarattaǵy órt sóndirgish sıaqty: olardy birneshe jerge ornalastyrý qajet», — dedi ol.
Bar málimetterge sáıkes, ótken jyly Qazaqstannyń taý-ken óndirý sektorynda 2,5 myńnan astam jazataıym oqıǵa bolǵan. Ázirleýshiler jańa júıe shahtalar men metalýrgıa kásiporyndary qyzmetkerleriniń qaýipsizdigin arttyrýǵa múmkindik beredi dep senedi.