Shyǵys Qazaqstan oblysynyń turǵyny Taldyqorǵanǵa kelip, jeke úı jaldap, jasyryn narkolaboratorıa uıymdastyrǵany úshin 10 jylǵa bas bostandyǵynan aıyryldy, dep habarlaıdy infohub.kz saıty.
Jetisý oblysy prokýratýrasynyń resmı saıtynda málim bolǵandaı, Jetisý oblysy boıynsha qylmystyq ister jónindegi mamandandyrylǵan aýdanaralyq soty Shyǵys Qazaqstan oblysynyń turǵynyna qatysty aıyptaý úkimin shyǵardy. Er adam aldyn ala sóz baılasý arqyly adamdar tobymen satý maqsatynda erekshe iri mólsherde psıhotroptyq zattardy zańsyz daıyndaǵany úshin kináli dep tanyldy.
2025 jyly Telegram arqyly baılanysta bolǵan adamdardyń usynysymen ol Taldyqorǵanǵa kelip, jeke úı jaldaǵany anyqtaldy. Prokýratýra dereginshe, sol úıde ol mefedron daıyndaıtyn jasyryn zerthana uıymdastyrǵan.
Tintý barysynda 4,5 keliden astam esirtki tabylyp, tárkilendi.
Jasalǵan asa aýyr qylmystyń sıpaty men qoǵamdyq qaýiptilik dárejesin eskere otyryp, sot oǵan 10 jylǵa bas bostandyǵynan aıyrý jazasyn taǵaıyndady.
Úkim zańdy kúshine engen joq.