Shymkentte 2027 jylǵa qaraı barlyq jeke úıler aqyldy gaz eseptegishterimen jabdyqtalady, dep habarlaıdy infohub.kz saıty.
Aqyl Energy jobasy aıasynda megapolıste tabıǵı gazdy sıfrlyq esepke alýǵa jappaı kóshý jalǵasýda. «QazaqGaz» UK» AQ baspasóz qyzmetiniń málimetinshe, jańa qurylǵylar tutynylǵan gaz kólemin avtomatty túrde tirkep, derekterdi qashyqtan jiberedi. Eseptegishterdi ornatý tutynýshylar úshin tegin.
Qazirgi ýaqytta aqyldy eseptegishtermen 80 myńǵa jýyq jeke úı jabdyqtalǵan. Mamandar jobanyń ekinshi kezeńine kiristi. Shymkenttiń jeke sektoryn tolyǵymen sıfrlyq júıege 2027 jylǵa deıin kóshirý josparlanýda.
Qala turǵyndary jańa júıe esepteýlerdi ashyq ári ádil etetinin atap ótýde. «Buryn baqylaýshylar úı-úıdi aralap, kórsetkishterdi jazyp alatyn, sodan keıin bizge tólem keletin. Endi biz bir tıyn da artyq nemese kem tólemeımiz», — dedi shymkenttik turǵyn Óskenbaı Segizbaı.
Qalada aqyldy eseptegishterdi ornatý 2025 jyldyń maýsymynda bastaldy. Keıin joba Túrkistan jáne Qyzylorda oblystaryna taratyldy. Bolashaqta QazaqGaz eldiń basqa óńirlerinde de sıfrlyq esepke alýdy engizýdi josparlap otyr. Jalpy Qazaqstan boıynsha 1,35 mln aqyldy gaz eseptegishin ornatý josparlanǵan.