Shymkentte tutynýshy TikTok áleýmettik jelisi arqyly satyp alynǵan balalar besigi men «Besik jasaýy» jınaǵy úshin 125 myń teńgeni qaıtaryp aldy, dep habarlaıdy infohub.kz saıty.
Qazaqstan Respýblıkasy Saýda jáne ıntegrasıa mınıstrliginiń Tutynýshylar quqyǵyn qorǵaý komıtetiniń resmı saıtynda málim bolǵandaı, taýar jetkizilip, ony qarap shyqqannan keıin satyp alýshy jınaqtyń málimdelgen talaptar men sıpattamalarǵa saı kelmeıtinin anyqtady.
Taýar paıdalanylmaǵan: onyń syrtqy túri, qaptamasy jáne zattańbalary saqtalǵan. Osyǵan baılanysty tutynýshy satýshyǵa jaǵdaıdy retteýdi jáne tólengen aqshany qaıtarýdy talap etip júgindi. Alaıda satýshy aqshany qaıtarmady.
Óziniń zańdy quqyqtary men múddelerin qorǵaý úshin tutynýshy Shymkent qalasy boıynsha Saýda jáne tutynýshylar quqyǵyn qorǵaý departamentine júgindi.
Mamandar tutynýshyǵa tutynýshylar quqyǵyn qorǵaý salasyndaǵy zańnama talaptaryn túsindirip, satýshyǵa shaǵym daıyndaýǵa kómek kórsetti.
Shaǵym jiberilgennen keıin tutynýshynyń talaptary qanaǵattandyryldy. «Besik jasaýy» jınaǵy úshin tólengen 125 myń teńge tolyq kólemde qaıtaryldy.