Shymkentte órt shyǵyp, Abaı aýdanyndaǵy Arǵynbekov kóshesinde kafege jalǵasqan asqananyń shatyryn túgel qamtydy. Qutqarýshylar ǵımarattan 50 lıtrlik ottegi balonyn alyp shyǵyp, ottyń aýdany 200 sharshy metr kórshiles kafege taralýyn boldyrmady, dep habarlaıdy infohub.kz saıty.
Tótenshe jaǵdaılar mınıstrliginiń baspasóz qyzmeti habarlaǵandaı, Shymkenttiń 112 púltine kafege jalǵasqan ǵımaratta órt shyqqany týraly habarlama kelip tústi.
«Oqıǵa ornyna TJM kúshteri jiberildi. Órt sóndirýshiler kelgende janyndaǵy asqananyń shatyry tolyq otqa oranǵany anyqtaldy. Qutqarýshylar barlaý júrgizip, órtti sóndirýge kiristi», — dedi vedomstvoda.
Sóndirý barysynda ǵımarattan 50 lıtrlik ottegi balony qaýipsiz jerge alynyp shyǵaryldy. Qutqarýshylardyń ýaqtyly qoldanǵan sharalarynyń arqasynda ottyń taralýyn boldyrmaýǵa jáne aýdany 200 sharshy metr kafe ǵımaratyn órtten saqtap qalýǵa múmkindik týdy.
Órt 100 sharshy metr aýmaqta sóndirildi. Zardap shekkender joq. Órttiń sebebi anyqtalýda.
«Elektr qondyrǵylary kerneý astynda tursa jáne elektr qýaty óshirilmese, órtti sýmen óz betinshe sóndirýge qatań tyıym salynady. Bul adam ómirine úlken qaýip tóndiredi. Órtti baıqasańyz, dereý 112 nómirine habarlasyńyz», — dep eske saldy TJM.