Shynar Aqparova Qazaqstannyń oqý-aǵartý birinshi vıse-mınıstri boldy, dep habarlaıdy infohub.kz.
Oqý-aǵartý mınıstrliginiń baspasóz qyzmetiniń málimetinshe, búgin vedomstvo basshysy Juldyz Súleımenova ujymǵa buǵan deıin vıse-mınıstr qyzmetin atqarǵan Shynar Aqparovany tanystyrdy.
«Qazaqstan Respýblıkasy Úkimetiniń qaýlysymen Shynar Qýanyshqyzy Aqparova Qazaqstan Respýblıkasynyń oqý-aǵartý birinshi vıse-mınıstri bolyp taǵaıyndaldy. Osy taǵaıyndaýǵa deıin ol 2025 jyldyń qarashasynan bastap oqý-aǵartý vıse-mınıstri qyzmetin atqardy», — delingen resmı habarlamada.
Shynar Aqparova 1972 jyly Qaraǵandy oblysynda dúnıege kelgen. Ol Selınograd qarjy-ekonomıkalyq tehnıkýmyn, E.A. Bóketov atyndaǵy Qaraǵandy memlekettik ýnıversıtetin jáne Qaztutynýodaǵy Qaraǵandy ekonomıkalyq ýnıversıtetin bitirgen.
Eńbek jolyn orys tili men ádebıeti muǵalimi bolyp bastaǵan. Ár jyldary mektep dırektorynyń tárbıe isi jónindegi orynbasary, ádisker bolyp jumys istegen, bilim sapasyn baqylaý jáne qamtamasyz etý júıesinde ártúrli qyzmetter atqarǵan.
2020–2023 jyldary Qaraǵandy oblysy boıynsha bilim salasyndaǵy sapany qamtamasyz etý departamenti basshysynyń orynbasary, al 2023–2025 jyldary osy departamentti basqarǵan. 2025 jyly QR Oqý-aǵartý mınıstrliginiń Bilim salasyndaǵy sapany qamtamasyz etý komıteti tóraǵasynyń orynbasary qyzmetin atqarǵan.