Qaraǵandy oblysynda kadrlyq ózgerister boldy: Ermek Alpysov ákim orynbasary qyzmetinen bosatylyp, onyń ornyna Shyńǵys Súıinbaev taǵaıyndaldy, dep habarlaıdy infohub.kz.
Ákimdik baspasóz qyzmetiniń málimetinshe, Alpysov basqa jumysqa aýysýyna baılanysty qyzmetin toqtatqan. Jańa orynbasar QR Prezıdenti Ákimshiligimen kelisilgennen keıin taǵaıyndaldy.
Oblys ákimi Ermaǵanbet Bólekpaev Súıinbaevtyń tájirıbelik bilimi men kásibı daǵdylary jańa qyzmette óz áleýetin tolyq júzege asyrýǵa kómektesetinine senim bildirdi.
Shyńǵys Súıinbaev eńbek jolyn «QazInMetr» RMK janyndaǵy «Qazaqstandyq tekserý qyzmeti» Almaty fılıalynda birinshi sanatty maman bolyp bastap, keıin tekserý zerthanasynyń meńgerýshisi boldy.
Ár jyldary ol QR Indýstrıa jáne ınfraqurylymdyq damý mınıstrliginiń Tehnıkalyq retteý jáne metrologıa komıtetinde, keıin QR Saýda jáne ıntegrasıa mınıstrliginiń Tutynýshylar quqyǵyn qorǵaý komıtetinde basshylyq qyzmetter atqardy.
2022–2023 jyldary QR Indýstrıa jáne ınfraqurylymdyq damý mınıstrliginiń Indýstrıalyq damý komıteti tóraǵasynyń orynbasary bolyp jumys istedi. 2023 jyldyń qarashasynan osy taǵaıyndaýǵa deıin QR Ónerkásip jáne qurylys mınıstrliginiń Ónerkásip komıteti tóraǵasynyń orynbasary qyzmetin atqardy.