Qaraǵandy oblysy, Saran qalasynyń
№7 mektebinde bıologıa jáne hımıa páni muǵalimi
Ermekova Gúlnar Sadýaqasqyzy

Bıologıa 8 synyp
Sabaqtyń taqyryby: Sińir sozylǵanda, býyn shyqqanda jáne súıek synǵanda kórsetiletin alǵashqy kómek
Maqsaty: alǵashqy kómektiń adam ómirin saqtaýdaǵy mańyzdylyǵyn uǵyndyrý. Sińir sozylǵanda, býyn shyqqanda jáne súıek synǵanda kórsetiletin alǵashqy kómekti uıymdastyrý joldaryn úıretý.
Sabaq túri - aralas sabaq
Ótkizý nysany - toptyq jumys
Qajetti qural jabdyqtar: ınteraktıvti taqta, poster qaǵazdary, markerler, shendeýish, dáke

İ. Uıymdastyrý kezeńi.
Toptarǵa bólý: óleń joldary arqyly, psıhologıalyq jaǵymdy aqýal týǵyzý úshin bir - birine únsiz syılyq jasaıdy

İİ. Alǵan bilimderin tekserý.
1 tapsyrma bilý deńgeıi: ár topqa qańqanyń sýreti beriledi, sandarmen belgilengen qańqa súıekterin ataý qajet.
2 tapsyrma. Túsiný deńgeıi: berilgen sóılemderdi sáıkestendirý

3 - tapsyrma qoldaný deńgeıi:
Berilgen sózderdi oryndy qoldanyp 3 sóılem qurastyryńdar: omyrtqa jotasy, D dárýmeni, kálsı, tútik súıekter, qyzyl kemik, 30 %

4- tapsyrma taldaý deńgeıi: adam tektes maımyl men adam qańqasyn salystyryp, erekshelikterin taýyp, ol erekshelikterdiń nemen baılanysty ekenin anyqtańdar
5- tapsyrma baǵalaý deńgeıi: Adamnyń tik júrýi oǵan janýarlar dúnıesiniń basqa ókilderine qaraǵanda qandaı artyqshylyqtar berdi jáne tik júrýdiń qandaı kemshilikteri bar.

Sergitý sáti: ınteraktıvti taqta arqyly jattyǵý oryndatý.

İİİ. Jańa sabaqqa kirispe
Ár kún saıyn Qazaqstan joldarynda 5 - 6 adam jol apatynan qaza bolady. 5 aıdyń ishinde 4522 jol apaty bolyp, 844 adam qaza boldy, 5543 adam jaraqat aldy. Jaraqattardyń kóbisi qan ketý, súıekterdiń zaqymdanýy bolyp tabylady. Bul kórsetkishterdiń joǵary bolýy adamdarǵa der kezinde kómek kórsetilmeýinen. Endeshe biz búgin súıek zaqymdanýynyń qandaı túrleri bar, alǵashqy kómek kórsetý arqyly adam ómirine qalaı arasha túsýge bolady degen suraqtarǵa jaýap izdeımiz.

IV. Jańa sabaqty meńgerý
1- tapsyrma: 1 top sińir sozylý, 2 top býyn shyǵý, 3 top súıek syný belgilerin, alǵashqy kómek týraly oqyp, poster jasaıdy, ony qorǵaıdy.

V. Sabaqty bekitý
1 -top: Adam abaısyzda oıly - shuqyrly jerden aıaǵyn yńǵaısyz basty. Tobyǵynyń tusy shydatpaı aýyryp, isip ketedi, qantalaıdy. Bul qandaı zaqymdaný túri, qandaı kómek kórsetýge bolady. Aldaryńda berilgen zattardy paıdalanyp kórsetý.
2-top: Adam bir qap undy kóteremin dep oqys qımyldap qalǵanda ıyq tusy qatty aýyryp ketti, sálden soń qol tıgizbeıtindeı bolyp isindi, ıyǵy qozǵaltpaı qaldy. Bul qandaı zaqymdaný túri, qandaı kómek kórsetýge bolady. Aldaryńda berilgen zattardy paıdalanyp kórsetý.
3- top: Adam qatty qulaǵanda qoly astyna qaıyrylyp ketti. Kári jilik tusynda súıegi salbyrap qalǵandaı boldy. Qatty aýyryp, kógerdi, isindi. Bul qandaı zaqymdaný túri, qandaı kómek kórsetýge bolady. Aldaryńda berilgen zattardy paıdalanyp kórsetý.
Sonymen biz búgin súıek zaqymdanǵanda kórsetiletin kómek túrlerin óttik.

VI. Baǵalaý. Sabaqta ózin - ózi baǵalaý iske asyrylady. Oqýshylar krıterı kórsetilgen baǵalaý paraqshalaryna alǵan upaılaryn eseptep, baǵa qoıady.
Búgingi sabaǵymyzǵa refleksıa jasaıyq: berilgen stıkerlerge
Men bildim
Men úırendim
Maǵan unady - degen oılaryńdy jazyńdar.

Úı tapsyrmasy: Omyrtqanyń qısaıýy, jalpaq tabandylyqtyń aldyn alý týraly materıaldar daıarlap kelý

Tolyq nusqasyn júkteý