Rollme kompanıasy View serıasyndaǵy aqyldy kózildirikterdi usyndy. Olar 12 megapıkseldi Sony kamerasymen, daýystyq jasandy ıntellekt kómekshisimen jáne sóılesýdi naqty ýaqytta aýdarý fýnksıasymen jabdyqtalǵan. Qurylǵynyń baǵasy nebári $100 (shamamen 45 myń teńge), bul ony keń aýdıtorıaǵa qoljetimdi etedi. Bul kózildirikterdiń qandaı múmkindikteri bar jáne óndirýshige tómen baǵany saqtaýǵa ne kómektesti — Kursiv LifeStyle aıtady.
Serıaǵa eki model kiredi — AuraView jáne ProView. Ekeýi de fýtýrısik gadjetten góri qarapaıym kózildirikke uqsaıdy. Opravaǵa Sony IMX386 kamerasy ornatylǵan, ol birinshi adamnan foto jáne vıdeo túsirýge múmkindik beredi. Túsirý úshin samaıdaǵy fızıkalyq túımeni basý jetkilikti, al jazba 4 GB kólemindegi kiristirilgen jadta saqtalady.
Kamera tek fotoǵa ǵana emes, sonymen qatar zattar men kórnekti oryndardy tanýǵa, kóz aldyndaǵy mátindi aýdarýǵa jáne sóılesý kezinde aýdarmaǵa kómektesedi. Kózildirikte ChatGPT sıaqty modeldermen jumys isteıtin daýystyq kómekshi de bar.
Dybysqa samaıdaǵy baǵyttalǵan dınamıkter jaýap beredi. Olar qulaqqa jaqyn ornalasqandyqtan, mýzyka men áńgimeni qorshaǵan álemnen oqshaýlanbaı tyńdaýǵa bolady. Smartfonǵa Bluetooth 5.4 jáne Wi-Fi 6 arqyly qosylady.
Avtonomdylyqty 280 mA·syıymdylyqtaǵy akýmýlátor qamtamasyz etedi. Óndirýshi 10-12 saǵat jumys isteýge ýáde beredi, degenmen belsendi túsirý jáne aýdarmany qoldaný bul ýaqytty aıtarlyqtaı qysqartýy múmkin.
AuraView metal jartylaı jıekti opravamen jáne qońyr lınzalarmen, al ProView plasık tolyq jıekti opravamen jabdyqtalǵan. Sońǵysy tonırovkalanǵan jáne móldir lınzalarmen birge keledi.
Buǵan deıin Kursiv LifeStyle Meta kompanıasy Meta Glasses aqyldy kózildirikteriniń jańa jelisin usynǵanyn jazǵan. Aldyńǵy modelderden aıyrmashylyǵy, jańa ónim búdjettik segmentke jatady — baǵalary $299-dan (shamamen 150 myń teńge) bastalady.