Qazaqstandyq tenısshi Soná Jıenbaeva halyqaralyq arenadaǵy ónerimen tań qaldyrýdy jalǵastyrýda. 20 jastaǵy sportshy World Tennis Tour týrnırlerinde qatarynan ekinshi ret chempıon atandy, dep habarlaıdy infohub.kz.
Bul joly Jıenbaeva Ispanıanyń Vıgo qalasynda ótken W35 sanatyndaǵy jarysta jeńiske jetti. Álemdik reıtıńte 450-orynda turǵan qazaqstandyq fınalda WTA reıtıńiniń 332-satysyndaǵy Qytaı ókili Iýfeı Renmen kezdesti.
Mach Jıenbaevanyń eki settegi jeńisimen aıaqtaldy — 7:6 (8:6), 7:5. Tenısshiler kortta 1 saǵat 46 mınýt ótkizdi.
Bul Jıenbaevanyń World Tennis Tour týrnırlerindegi qatarynan ekinshi jeńisi. Bir apta buryn ol Ispanıanyń Orense qalasyndaǵy W75 sanatyndaǵy jarysta fınalda bolgarıalyq Izabella Shınıkovany jeńgen edi.
Osylaısha, Jıenbaeva Ispanıadaǵy eki apta ishinde qatarynan eki tıtýldy — Orensedegi W75 jáne Vıgodaǵy W35 — ıelenip, kásibı deńgeıdegi sátti serıasyn jalǵastyrdy.