Baıqońyr ǵarysh aılaǵynan 2026 jylǵy 14 shildede saǵat 19:47-de (Qazaqstan ýaqyty) «Soıýz-2.1a» tasyǵysh zymyrany «Soıýz MS-29» ǵarysh kemesimen ushyryldy. Bortta úsh adamnan turatyn halyqaralyq ekıpaj bar, dep habarlaıdy infohub.kz saıty.
Ekıpaj quramyna Roskosmos ǵaryshkerleri Petr Dýbrov (komandır) jáne Anna Kıkına (bortınjener), sondaı-aq NASA astronavty Anıl Menon (bortınjener) kirdi. Menon úshin bul alǵashqy ushý bolsa, Dýbrov pen Kıkına orbıtaǵa ekinshi ret attanyp otyr.
Ǵarysh kemesiniń belgilengen orbıtaǵa shyǵýy, zymyrannyń úshinshi satysynan bólinýi, antenalar men kún batareıalarynyń ashylýy qalypty rejımde ótti. Keme Jerdi eki ret aınalyp ótip, Halyqaralyq ǵarysh stansıasynyń reseılik segmentindegi «Prıchal» modýline qosylady. Qosylý Qazaqstan ýaqyty boıynsha saǵat 22:56-ǵa josparlanǵan.
Ekıpaj orbıtada shamamen segiz aı bolady jáne 2027 jyldyń sáýirinde Jerge qaıtady.
13 shildede Baıqońyrǵa NASA dırektory Djared Aızekman kelip, ekıpajdy shyǵaryp salý rásimine qatysty. Aızekman buǵan deıin ekıpaj quramyna onyń dosy Anıl Menon engizilgenin atap ótken edi. Ol astronavttyń áıeli Anna Aızekmanmen birge 2024 jyly Polaris Dawn mısıasyna qatysqan. Aızekman NASA basshylyǵyna 2025 jyldyń jeltoqsanynda keldi.
Zymyrandy kememen birge qurastyrý-synaý korpýsynan shyǵaryp, 12 shildede ushyrý keshenine ornatty. Odan keıin mamandar keme júıeleri men jerústi jabdyqtaryna sońǵy tekserýler júrgizdi.