Tehnologıalyq kompanıa eriktilerge mıdyń neırondyq belsendiligi týraly derekterdi bergeni úshin 50 dollar kóleminde syıaqy usynatyn baǵdarlamany iske qosty. Qatysýshylar tapsyrmalardy oryndaý nemese vızýaldy kontentti kórý kezinde mı sıgnaldaryn tirkeıtin arnaıy dachıkteri bar dýlyǵalardy kıedi. Bul derekter jasandy ıntellekt algorıtmderin oı komandalary men prosesterin tanýǵa úıretý úshin paıdalanylady, dep habarlaıdy infohub.kz saıty.
Jobanyń maqsaty — adamnyń nıetin sózben nemese áreketpen bildirmeı turyp túsine alatyn mı-kompúter ınterfeısterin qurý. Ázirleýshiler tehnologıa oı kúshimen tehnıkany basqarýǵa múmkindik berip, sóıleý nemese qozǵalys fýnksıalary buzylǵan adamdarǵa qarym-qatynasty jeńildetedi dep úmittenedi.
Alaıda kıberqaýipsizdik jáne etıka salasyndaǵy sarapshylar alańdaýshylyq bildirýde: mı belsendiligi týraly derekter óte sezimtal jeke aqparat bolyp tabylady jáne olardy jınaý qupıalylyqqa qaýip tóndirýi múmkin.