Symsyz zarádtaý tıimdilik jaǵynan symdy zarádtaýdan kem túsedi ári smartfondy qyzdyryp, akýmýlátordyń tozýyn jedeldetedi, dep habarlaıdy infohub.kz saıty.
Engadget portalynyń dereginshe, Qi2 standartyndaǵy qurylǵylar kabelmen salystyrǵanda energıanyń 30%-ǵa deıinin joǵaltady. Bólinetin jylý lıtı batareıasynyń syıymdylyǵyn eki jylda 12%-ǵa, al ystyq aýa raıynda 25%-ǵa deıin tómendetýi múmkin.
Kabel tokty tikeleı jetkizetindikten, qurylǵy azyraq qyzady jáne áldeqaıda jyldam zarádtalady. Mysaly, jańa smartfon sym arqyly qýattyń jartysyn 15 mınýtta tolyqtyra alady, al Qi2 arqyly buǵan jarty saǵat ketedi.
Mamandar symsyz stansıalardy durys paıdalanbaǵan jaǵdaıda qaýipti ekenin atap ótedi. Smartfondy alańǵa dál qoımaý magnıttik baılanysty álsiretip, odan da kóp jylý bólinýine ákeledi. Symsyz zarádtaýǵa arnalmaǵan qaptar da keri áser etedi: olar jylýdy korpýstyń ishinde ustap, qýat elementin qosymsha qyzdyrady.
Akýmýlátordyń qyzmet etý merzimin uzartý úshin sarapshylar eki ádisti de qatar qoldanýǵa keńes beredi. Kúndiz jyldam qýattaý úshin symsyz stansıany paıdalaný qolaıly, al túnde kabeldi qosý kerek. Sondaı-aq zarád deńgeıin 20–80% aralyǵynda ustaý jáne smartfon parametrlerinde batareıany qorǵaý fýnksıalaryn qosý usynylady.