Taıland úkimeti shetel azamattaryna qatysty kóshi-qon erejelerin qaıta qarady: 2026 jylǵy 15 qyrkúıekten bastap Qazaqstannan kelgen týrıserge vızasyz júrýge ruqsat etilgen merzim eki esege — 60 kúnnen 30 kúnge qysqarady. Bul týraly Qazaqstannyń Taılandtaǵy elshiligi habarlady, dep jazady infohub.kz saıty.
Taıland Mınıstrler kabınetiniń bul sheshimi buryn qoldanysta bolǵan jeńildiktiń kúshin joıyp, ekijaqty úkimetaralyq kelisimniń qatań talaptaryna qaıta oralýdy bildiredi. Negizgi qujatqa sáıkes, qazaqstandyq ulttyq pasport ıeleri kоróldik aýmaǵynda vıza rásimdemeı-aq kirgen sátten bastap 30 kúnnen aspaıtyn ýaqyt bola alady.
Sonymen qatar qaıtalap barýdyń jıiligi men uzaqtyǵyna qatysty shekteý de jańartylyp otyr. Sheteldiktiń elde bolýynyń jalpy merzimi kez kelgen 180 kúndik kezeń ishinde 90 kúntizbelik kúnnen aspaýǵa tıis. Bul shara zańsyz eńbek kóshi-qonynyń aldyn alýǵa jáne «vıza-ran» dep atalatyn — shekaradan shyǵyp qaıta kirip, bolý merzimin nóldeý tájirıbesine jol bermeýge baǵyttalǵan.
Qazaqstannyń Taılandtaǵy elshiligi azamattarǵa demalys, qashyqtan jumys nemese qystaý josparyn qurǵanda kóshi-qon zańnamasyndaǵy ózgeristerdi eskerýdi usynady.
Eger josparlanǵan bolý merzimi belgilengen 30 kúndik shekten asyp ketse, qazaqstandyqtar tıisti týrısik nemese uzaq merzimdi vızany Taılandtyń resmı dıplomatıalyq ókildikteri arqyly aldyn ala rásimdeýi qajet.
Buǵan deıin, 2026 jylǵy úshinshi tamyzda Taıland bıligi sheteldik saıahatshylardyń qaýipsizdigin aıtarlyqtaı kúsheıtýge ýáde bergen edi. Bul málimdeme reseılik azamattardyń qaza tabýyna ákelgen rezonanstyq qaıǵyly oqıǵadan keıin jasalyp, Taıland úkimetin eldiń negizgi kýrorttaryndaǵy qaýipsizdik standarttary men hattamalaryn jedel qaıta qaraýǵa májbúrledi.