Tarazdaǵy balabaqshalardyń birinde baqylaý kamerasyna túsken vıdeo áleýmettik jelide tarap ketti. Kadrlarda balany baılaýly kúıde tósekke jatqyzyp jatqany kórinedi. Ony uıyqtatýǵa tyrysqanda, bala qarsylyq kórsetip, tósekten qulap túsedi, biraq baılaýly kúıinde qalady. Vıdeo avtorynyń aıtýynsha, kadrdaǵy bala erekshe — «Aýtızm spektriniń buzylysy» dıagnozy qoıylǵan... dep habarlaıdy infohub.kz.
Jambyl oblysy polısıa departamentiniń málimetinshe, oqıǵaǵa qatysty Qazaqstan Qylmystyq kodeksiniń 140-babynyń 2-bóligi (Kámeletke tolmaǵandy tárbıeleý jónindegi mindetterdi oryndamaý) boıynsha qylmystyq is qozǵaldy.
«Qazirgi ýaqytta oqıǵanyń mán-jaıy anyqtalyp jatyr. Tergeý amaldary jalǵasýda. Oqıǵaǵa qatysy bar adamdardyń áreketterine zańǵa sáıkes quqyqtyq baǵa beriledi», — dep habarlady polısıa.
Tergeý barysy oblystyq polısıa departamenti basshylyǵynyń baqylaýynda ekeni atap ótildi.
Buǵan deıin «Kýrsıv» Pavlodarda 33 jastaǵy tárbıeshige qatysty rezonanstyq proses aıaqtalǵanyn habarlaǵan bolatyn. Áleýmettik jelide taraǵan vıdeoǵa sáıkes, beınekameralar áıeldiń eki jasar balalardy júıeli túrde uryp, betinen tartyp, laqtyryp, ıterip, shashynan súıregenin kún saıyn tirkegen. Áıel balalardy qorqytý jáne tárbıeleý jónindegi mindetterin oryndamaǵany úshin kináli dep tanyldy. Ol 4,5 jylǵa bas bostandyǵynan aıyrylyp, úsh jylǵa keıinge shegerildi.