Qazaqstan Ulttyq bankiniń tóraǵasy Tımýr Súleımenov retteýshiniń Kaspı qubyrjol konsorsıýmy (QTK) arqyly munaı eksportynyń ýaqytsha toqtaýyna baılanysty teńge baǵamynyń kúrt ózgerýin kútpeıtinin málimdedi. Sonymen qatar, Ulttyq bank baǵamnyń naryqtyq emes aýytqýy jaǵdaıynda shara qoldanýǵa daıyn, dep habarlaıdy infohub.kz.
Ulttyq bank brıfıńinde QTK termınaly arqyly qazaqstandyq munaı eksporty qalpyna kelmese, teńge baǵamyna qandaı áser etetini jáne retteýshiniń saıasaty qalaı ózgeretini týraly suraq qoıyldy.
Súleımenov ahýaldy Energetıka mınıstrligi men úkimettiń baqylap otyrǵanyn atap ótti. Ol máseleniń jaqyn arada sheshiletinine úmit bildirdi, óıtkeni bul másele qazaqstandyq munaıdyń erkin tasymaldanýymen, onyń eksportymen jáne eksporttyq valútalyq túsimniń kelýimen baılanysty.
«Meniń oıymsha, ázirge bizge jumysta eshqandaı túbegeıli ózgerister qaýpi tónip turǵan joq. Keıbir tankerlerge qatysty suraqtar bar. Bunyń bári jaqyn arada sheshiledi dep úmittenemin. Jalpy, QTK negizgi eksporttyq qubyrjol ekeni anyq, sáıkesinshe eksporttyq valútalyq túsim de kóbinese onyń jumysyna baılanysty. Joǵaryda aıtqandaı, biz eshqandaı úlken kúrt aýytqýlardy boljamaımyz. Biraq kez kelgen kúrt aýytqýlarǵa bizde, árıne, áreket etý quraldarynyń tutas jıyntyǵy bar», – dedi Ulttyq bank basshysy.
Tımýr Súleımenovtiń aıtýynsha, valúta baǵamynyń kúrt aýytqýy jaǵdaıynda Ulttyq bank baǵamdy turaqtandyrý úshin naryqtyq emes kúrt aýytqýlar kezinde altyn-valúta rezervterin aınalandyrý operasıalaryn qoldanýy múmkin.
Aıta keteıik, Qazaqstan Respýblıkasy Energetıka mınıstrligi ushqyshsyz ushý apparattarynyń (UUA) shabýyldarynan keıin QTK-nyń qazaqstandyq munaıdy qabyldaýdy tezirek qaıta bastaýyna úmittenedi. Qazaqstannan eksporttalatyn munaıdyń shamamen 80%-y QTK arqyly ótedi.