Tım Kýk Apple kompanıasynyń bas dırektory qyzmetindegi on bes jyldyq mansabyn aıaqtady. Ókilettikter resmı túrde kompanıanyń ardageri Djon Ternýsqa tapsyryldy, dep habarlaıdy infohub.kz saıty.
Bas dırektor qyzmetinen ketkennen keıin Kýk dırektorlar keńesiniń atqarýshy tóraǵasy bolady. Kompanıanyń málimetinshe, ol «kompanıa qyzmetiniń keıbir aspektilerine, sonyń ishinde álem boıynsha saıasatkerlermen ózara is-qımylǵa kómek kórsetetin bolady». Kýk 2011 jyldyń 24 tamyzynda Stıv Djobsty aýystyryp, Apple bas dırektory bolǵan edi. Djobs aýrýyna baılanysty qyzmetinen ketken bolatyn.
Jańa bas dırektor Djon Patrık Ternýs kompanıada 2001 jyldan beri jumys isteıdi. Ol qarapaıym ınjenerden top-menedjerge deıingi joldy ótip, qazir bıznestiń barlyq aparattyq bóligine jaýapty. Aıta keteıik, jańa bas dırektordyń jaqyn arada taǵaıyndalatyny bıylǵy jyldyń sáýir aıynda belgili bolǵan edi. Keıinirek Apple-degi kadrlyq ózgeristerdiń nege baılanysty ekendigi týraly aqparat paıda boldy.
Aıta ketý kerek, osy ýaqytta Apple paıdalanýshylary jańa iPhone prezentasıasyn kútýde — kompanıa jańa ónimderin kelesi aptada, 9 qyrkúıekte tanystyrýdy josparlap otyr.