Qazaqstan Premer-lıgasynyń 21-týrynda qostanaılyq «Tobyl» óz alańynda qyzylordalyq «Qaısardy» 3:2 esebimen tize búktirdi, dep habarlaıdy infohub.kz.
Qostanaıdaǵy Ortalyq stadıonda ótken kezdesý golǵa baı boldy. Birinshi taımnyń ortasynda-aq alań ıeleri eki dop aıyrmashylyǵymen alǵa shyqty. Esepti «Tobyldyń» belarýstik qorǵaýshysy Maksım Mákısh ashty, sodan keıin qazaqstandyq qorǵaýshy Aleksandr Marochkın basymdyqty eseledi. Eki golǵa da ulttyq quramanyń burynǵy kapıtany Asqat Taǵybergen asıstenttik pas berdi.
Qonaqtar berilmedi, Qazaqstan quramasynyń shabýylshysy Alıar Muhammed dúbl jasap, esepti teńestirdi. Alaıda «Tobylǵa» jeńisti serbıalyq shabýylshy Ýrosh Mılovanovıch ákeldi, ol «Qaısardyń» qaqpasyna úshinshi goldy soqty.
Osy oıynnan keıin qostanaılyqtar 28 upaı jınap, týrnır kestesinde jetinshi orynda tur. «Qaısar» 20 upaımen 13-satyda.